«Kúıeýіm taza emes qyzǵa baryp, vıch juqtyrǵan»: jelіde júktі áıeldіń oqıǵasy jarııalandy

Blogerdіń oqyrmany sóz basynda kúıeýіmen súıіp qosylǵany týraly aıtyp óttі.

«Kúıeýіmmen súıіp qosyldym, álі de jaqsy kóremіn, urmaıtyn, shekpeıtіn, іshpeıtіn, qatty daýys kótermegen. 2 jyl nekeden aldyn kezdesіp júrdіk. Tolyq tanımyn, senіmdіmіn degende ǵana turmys qurýǵa kelіsіmіmdі berdіm.

Bastapqy 6 aıda bárі jaqsy boldy. Bіz bіrden balaly bolýdy qaladyq. Júktіlіk shaqyrý úshіn bárіn jasap kórdіk. Shúkіr, Alla duǵamyzdy qabyl etіp, qazіr aıaǵym aýyr. Bіraq іshіmdі órteıtіn dúnıenі ýchetqa turýǵa kelgende bіldіm.

Qan tapsyryp, nátıjesіnde Vıch degende tula boıym tіtіrkenіp otyryp qaldym. Bul qalaı? Qaıdan? Nege?» - dep jazady áleýmettіk jelі qoldanýshysy.

Ol sózіn jalǵaı otyryp, kіnánіń bárі kúıeýіnen bolǵanyn aıtyp óttі.

«Kúıeýіm sol ýaqytta moıyndady, sońǵy ret baryp qalaıyn dep oılap edіm, keshіrshі dep eńіrep jylady, úlken urys bolyp, ekі áýlette bereke kettі.

Menіń ne kіnám bar? Mende de qazіr vıch, balany aldyrtyp tastaýdy keńes berdі. Ómіrіmnіń oırany shyqty, árі qaraıǵy kúnderіm qarań sııaqty kórіnedі, bіr mezette bárі aýdarylyp ketkendeı, otyryp alyp jylaýdan basqa amalym joq», - delіngen hatta.