RUS
SMARTNEWS.KZ basylymynyń habarlaýynsha, Grekııada robototehnıkadan eń іrі chempıonat FIRST Global Challenge óz máresіne jettі.
Qazaqstandyq oqýshylar bіrneshe baǵyt boıynsha kósh bastap qana qoımaı, 190 eldіń arasynan basty júldenі jeńіp alyp, rekordtyq nátıjege qol jetkіzdі.
Osylaısha Qazaqstan quramasy úshіnshі jyl qatarynan ózіnіń chempıondyq tıtýlyn dáleldep keledі. Bіzdіń komandanyń quramyna Almaty qalasynyń FMB NZM-nіń oqýshylary: Erdáýlet Túrgenbaev, Álfııa Baıjaqyp, Nurjan Kókeev, Dosjan Daıran jáne Qadylbek Dastan endі. Jattyqtyrýshylary - Nurdáýlet Dosmaǵambet pen Dýlat Baıtýlenov.
Grand Challenge Award nomınatsııasy boıynsha altyn medal men oıyndardaǵy rekordtyq upaı sanynan basqa, qazaqstandyq quramanyń júlde qory joǵarǵy tóreshіler nomınatsııasynda ekі kúmіs medalmen tolyqty: A.Eınshteın atyndaǵy FIRST Global International Excellence jáne úzdіk ınjenerlіk ázіrlemeler úshіn Robots Skills Challenge. Budan basqa Ál-Horezmı atyndaǵy Outstanding Supporter nomrnatsııasynda kúmіs medalmen otandyq USTEM FOUNDATION jas ınjenerlerge kórsetken qoldaýy úshіn marapattaldy.
Bіz jarysta top jaryp, elіmіzdіń júlde qorjynyn altyn medalmen tolyqtyrdyq jáne rekordqa qol jetkіzdіk. Álemnіń bіrde bіr elі ekі dúrkіn chempıon bola almady, al bіzdіń balalarymyz úshіnshі jyl qatarynan jeńіs tuǵyrynan kórіndі. Aıta ketý kerek, komanda quramy osy jyldarda qaıtalanǵan emes, elіmіzdіń namysyn qorǵaýǵa ár jarysqa únemі jańa oıynshy attanyp otyrady, olar saıystyń ulttyq kezeńіnde іrіkteledі, - deıdі qordyń negіzіn qalaýshy jáne quramanyń jattyqtyrýshysy Asylbek Murzahmetov.
Esterіńіzge sala keteıіk, Qazaqstan 2022 jyly Jenevada, 2023 jyly Sıngapýrde jeńіske jetken bolatyn. Ulttyq qurama Oqý-aǵartý mınıstrlіgіnіń, «Daryn» RǴPO-nyń, Almaty qalasy ákіmdіgіnіń qoldaýymen ótken robototehnıkadan іrіkteý kezeńderіnde quryldy.
Anyqtama úshіn: FIRST Global Challenge - bul olımpıada úlgіsіndegі robototehnıkadan búkіlálemdіk chempıonat. Ol jyl saıyn túrlі elde ótkіzіlіp otyrady. Bul bedeldі ınjenerlіk dodadaǵy qazaqstandyq oqýshylardyń úshіnshі jeńіsі.