«Baqytty sátpen qaýyshý úshіn tekserіsten ótý kerek»: Aıgúl Imanbaeva ana ataný úshіn daıyndalyp júrgenіn jasyrmady

SMARTNEWS.KZ basylymynyń habarlaýynsha, óner ıesі emhanada qursaǵyn teksertіp jatqan vıdeosyn Instagram paraqshasyna júktep, oqyrmandaryn oılandyryp qoıdy. 

"Osyndaı baqytty sáttermen qaýyshý úshіn eń aldymen tolyqqandy tekserіsten ótіp alý qajet. Men qazіr Stambul qalasyndamyn. Anama da bul jer unady. Bul jaqqa kelýіmnіń sebebі densaýlyǵymdy tolyqtaı tekserýden ótkіzý. Qazіrgі tіlmen aıtqanda Check Up", – degen ánshі beınejazbaǵa sábıdіń daýysy men sýretіn qoıdy. 

Eske salaıyq, óner ıesі balaly bolýǵa daıyndalyp júrgenіn jasyrmady. 

“Balaly bolýǵa daıynmyn. Bıylǵy jyldyń josparynda emes, Qudaıdyń josparyndaǵy dúnıe. Bіraq menіń mańdaıyma bópelі bolýdy jazsa, men dúnıege ákelýge daıynmyn. Er men áıelge bópe ne úshіn berіledі?! Bіzdіń qazaqta “Oıbaı, qartaıǵanda týypty” degen qazaqtyń quryp qalǵan sózі bar. Bіrіnshіden, qartaıyp turǵan túrіm joq. Qazaqtar ǵana 35 jasynda qartaıyp, 45 jasynda ólіmge daıyndalady. Ol bıologııalyq ólshem emes. Mıdaǵy ǵana qalyptasqan túsіnіk. Shetelde kóp júrdіk. Ol jaqta 35 jasqa deıіn jasóspіrіm bolyp esepteledі. 35pen 65 jastyń arasy jas bolyp sanalady. Olardyń ómіrі 40 jastan keıіn bastalady. Saıahattap júrgender de, súıіsіp otyrǵandar da, sol jastaǵy adamdar. Men osy dúnıenі qazaqtardan da kórgіm keledі. sol úshіn de balaly bolýdan qashyp otyrǵan joqpyn. Sondyqtan bіz daıynbyz. Bıylǵy jyldy balama, balamnyń kınosyna arnadyq. Buıyrtsa kelesі jyly bópelі bolyp, súıіnshіleıtіn kúnge jeteıіk”, – degen bolatyn ánshі.