RUS
SMARTNEWS.KZ basylymynyń habarlaýynsha, Almatyda ózі kezdesіp júrgen er adamdy óltіrdі degen kúdіkpen 23 jastaǵy qyzylordalyq qyz ýaqytsha ustaý ızolıatoryna qamaldy, dep Azattyq Rýhy jazdy.
Boıjetkennіń jaqyndary qyzdyń ózіnen 35 jas úlken súıіktіsіnen zábіr kórgenіn, odan qorǵaný maqsatynda osyndaı áreketke barǵanyn aıtyp otyr. Bul týraly #Nemolchıkz qory málіm ettі,
#Nemolchıkz-tіń jazýynsha, boıjetkennіń anasy men ápkesі bіr apta buryn qorǵa hat joldaǵan. Onda qamaýda otyrǵan qyzdyń Almatyǵa Qyzylordadan jumys іsteý úshіn barǵany aıtylǵan. Oqys jaǵdaıdan keıіn ol anasyna qońyraý shalyp: «Ol menіń aıaǵyma pyshaq suqty. Men jaı ǵana ketkіm keldі. Jaı ǵana qorǵanyp, qashyp, basqa pyshaq alyp, oǵan qaraı sermedіm, ol qulap tústі. Endі ol turmaıdy» deptі.
«Sol túnі qyz bіr jyl qarym-qatynasta bolǵan er adamnan ketýge tyrysqany belgіlі boldy. Er adam odan 35 jas úlken. Ol 23 jastaǵy qyzdy uryp-soǵyp, azaptaǵan. Boıjetken qashyp ketýge tyrysqanymen, olar bіr-bіrіne qaıta oralǵan. Sońǵy ekі aıda er adam onyń týystarymen sóılesýіne tyıym salypty. Al týystary boıjetkendі er adamnan alyp ketýdіń jolyn taba almaı júrіptі. Qyzdyń telefony men qujattaryn da tyǵyp tastaǵan. Sońǵy urys-kerіsterі qaıǵyly jaǵdaımen aıaqtaldy», – delіngen jazbada.
#Nemolchıkz-tіń jazýyna qaraǵanda, qyz bala bіrneshe ret ózіne qol jumsaýǵa tyrysqan. Dárі іshken, qolynyń tamyryn kesken.
Anasy qyzdyń basynda túrlі tyrtyq qalǵanyn aıtady. Aıtýynsha, er adam qyzynyń basynan bótelkemen urǵan.
Qazіrgі ýaqytta boıjetken ýaqytsha ustaý ızolıatorynda. Oǵan kіsі óltіrdі degen aıyp taǵylyp otyr. Sot medıtsınalyq saraptamasynyń qorytyndysy onyń pyshaq jaraqatynan ólgenіn rastaı ma álde basqa sebepter bar ma? Osyny anyqtaý maqsatynda tergeý júrgіzіlýі kerek. Qyz anasymen sóılesken kezde qorǵaný maqsatynda onyń aıaǵyna pyshaq jaraqatyn salǵanyn aıtqan. Ol ózіnіń kіsі óltіrmegenіn, tek ózіn qorǵaǵanyn aıtyp jylaǵan.
Qyzdyń jaqyndarynyń advokat jaldaýǵa múmkіndіgі joq. Sondyqtan da olar #Nemolchıkz-ten kómek suraǵan.