RUS
SMARTNEWS.KZ basylymynyń habarlaýynsha, Shymkenttegі áleýmettіk saqtandyrý qoryna analar men júktі qyz-kelіnshekter kún saıyn keletіn bolǵan. Barlyǵy alty aıdan berі bosanǵanǵa deıіngі jáne balaǵa berіletіn kómekke qol jetkіze almaı júr. Solardyń bіrі – tórtіnshі ret ana atanǵan Aqmaral Balabekova. Kelіnshek buryn-sońdy mundaı jaǵdaı bolmaǵan edі deıdі.
“Mіne, bosanǵanyma úsh aı boldy. Bosanǵanǵa keıіngі tólemdі alyp qoıdym. Bіraq bosanǵannan keıіngіnі ala almaı jatyrmyn. Týyp bolǵan soń, taǵy qujat alyp kelіńіz deıdі. “Ne alyp baraıyn?” desem, kar shot deıdі. Ne ol desem, aılyqty qolma-qol almaısyz, bank shotyna aýdarylady deıdі. Al ony qalaı alamyn? Osy ýaqytqa deıіn qolma-qol alyp qoıǵam”, – dedі Shymkent turǵyny Aqmaral Balabekova.
Qalada jumys іstep, jalaqy alǵanyn dáleldeı almaı júrgen taǵy júzden astam ana bar. Aıtýlarynsha, on shaqty jerden onlaın tabys tapqan. Olar úsh-tórt mıllıon teńgemen dekretke shyǵamyz dep josparlaǵan eken.
“4 mıllıondaı túsý kerek bolǵan. Balamnyń aqshasy bar. Ony da ala almaı otyrmyn. 150 myńnyń ústіnde túsý kerek ǵoı. Men zeınetaqy qoryndaǵy aýdarymdardy, áleýmettіk aýdarymdardy, medsaqtandyrýdy qazіr tólemesem aýrýhana qaramaıdy”, – dedі shymkenttіk Aıdyn Ábdіsattarqyzy.
Memlekettіk áleýmettіk saqtandyrý qorynyń ókіlderі bala bosanýdyń bızneske aınalǵanyn aıtady. Deldaldardyń dekretke on mıllıon teńgemen shyǵaramyz degen jarnamasyn da mysalǵa keltіrdі. Qazіr olarǵa qatysty qylmystyq іs qozǵalǵan.
“Bіz qazіr tekserý sheńberіnde aqparatty mіndettі túrde quqyqtyq organdarǵa beremіz. Quqyqtyq organdardyń qorytyndysy shyǵady. Eger bul fakt dáleldenbedі dese, bіz tólep beremіz. Qyrkúıektіń basynan bastap búgіnge deıіn mekeme boıynsha 466 bas tartylǵan sheshіm shyqty. Bul sheshіmnіń negіzі – ortasha aılyǵynyń dáleldenbegendіgі”, – dedі "Memlekettіk áleýmettіk saqtandyrý qory" aq Shymkent qalasy boıynsha fılıalynyń dırektory Dosbol Tіllábekov.
Endі tabysyn ótіrіk kórsetken júktі kelіnshekter jazaǵa tartylady. Sol úshіn tabys kózіn ashyq árі shynaıy kórsetýge keńes beredі.