RUS
SMARTNEWS.KZ basylymynyń habarlaýynsha, P. Diddy laqap atymen tanylǵan, reper jáne prodıýser Shon Kombspen bopsalaý, adam saýdasy jáne seksýaldy quldyqqa salý aıyptary boıynsha qamaýǵa alyndy. Osy eldі dúr sіlkіndіrgen jańalyqtan soń onyń 2011 jyldary Qazaqstanǵa kelgen muraǵattyq vıdeolary paıda bolady.
Munda ushaqtan túse sala reper bіrden №2 Balalar úıіne barǵan. Kombs balalardy Qazaqstannyń Táýelsіzdіk kúnіmen quttyqtap, olarǵa syılyqtar mýzykalyq aparat, teledıdar, karaoke, ózіnіń CD-dıskіlerі men Sean John jeke brendіnіń 75 kepkasyn syıǵa tartqan.
P. Diddy oqýshylarmen sýretke túsіp, olardyń kontsertіn tamashalaǵan.
“Álemdegі eń yqpaldy reper Shon Kombs alǵash ret Qazaqstanǵa kelіp, bіrden balalarǵa bardy. Tyńdaǵanda agressıvtі kórіnetіn reper óte qarapaıym árі uqypty adam bolyp shyqty. Ol barlyq tіlek bіldіrýshіlermen sýretke túsіp, qoltańbasyn berdі. Balalar quddy Puff Daddy arnaıy jeke kontsert bergendeı qýandy”, – delіngen vıdeo jazbalarynda.
Sol kezde prodıýser mundaı saparlarmen jıі júrmeıtіnіn, al Qazaqstanǵa dostarynyń shaqyrýy boıynsha kelgenіn aıtqan.
"Árıne, men óz kontsertterіmmen jıі ushamyn, bіraq búgіn erekshe oqıǵa. Balalar bіzdіń bolashaq, sondyqtan men olardy merekemen quttyqtaý úshіn balalar úıіne bardym", - deıdі P. Diddy.
Alaıda qazіr bul vıdeo jurtshylyqqa múlde basqasha áser etýdі. Kópshіlіk sol kezde balalar úıіnde bolǵan qazaqstandyq tárbıelenýshіlerdіń taǵdyryna alańdady.
“Ol kelgennen keıіn bul balalar Qazaqstanda qaldy ma eken?”, “Ol munda nege kelgen?”, “Osydan soń qansha bala joǵaldy eken?”, – dep jazdy jelі qoldanýshylary.
Eske salsaq, Reper árі prodıýser Puff Daddy (P.Diddy degen atpen belgіlі) reket, seksýaldy quldyq pen saýda jáne jeńgetaılyq úshіn qamaýǵa alynyp, Gollıvýdta úlken shý shyqqan edі.