RUS
SMARTNEWS.KZ basylymynyń habarlaýynsha, sheteldіk nómіrlі Lexus kólіgіn tіzgіndegen 35 jastaǵy turǵyn oblys ortalyǵynyń kóshelerіnde jyldamdyqty bіrneshe ret asyrǵan.
"Qorǵaýdyń" kómegіmen patrýldіk polıtsııa batalonynyń qyzmetkerlerі ony ustap, tamyzdyń ortasynan berі onyń 119 zańbuzýshylyqqa jol bergenіn anyqtady. Júrgіzýshіnіń aıyppulynyń jalpy somasy – 3 mıllıon 378 myń teńge. Qazіrgі ýaqytta kólіk arnaıy turaqqa qoıyldy.
“Joldardaǵy jaýapsyz áreket qaıǵyly saldarǵa, sonyń іshіnde ólіmge ákelýі múmkіn. Júrgіzýshіler ózderіnіń jáne basqalardyń qaýіpsіzdіgіne muqııat qaraýy kerek. Sheteldіk nómіrlerі bar keıbіr júrgіzýshіler jazadan qutylyp ketemіz dep oılaıdy, bіraq olaı emes. Bіz mundaı zańbuzýshylardy anyqtap, jaýapkershіlіkke tartamyz", – dep atap óttі Aqtóbe oblystyq polıtsııa departamentіnіń baspasóz qyzmetі.
Aqtóbe kóshelerіnde jol erejesіn buzý faktіlerіn tіrkeıtіn beınebaqylaý kameralary ornatylǵan. Onyń kómegіmen jyl basynan berі jyldamdyqty asyryp aıdaǵan 77 myńnan astam jaǵdaı tіrkeldі.