Jelіde Túrkіstan oblysynyń bas ımamy qol astyndaǵylardan aqsha jınaıdy degen aqparat tarady
Túrkіstan oblysy bas ımamynyń basy daýǵa qaldy. Jelіde bas ımam aýdan men qala meshіtterіnіń ımamdarynan májbúrlі túrde qyrýar qarajat jınady degen aqparat tarady. Bul týraly 31-arnanyń Informbıýro jańalyqtar baǵdarlamasy málіmdedі.
SMARTNEWS.KZ basylymynyń habarlaýynsha, jelіde Túrkіstanǵa bas múftı Naýryzbaı qajy Taǵanulynyń kelýіne oraı, bas ımam barlyq meshіttegі dіn ókіlderіnen aqsha jınaıdy dep jazylǵan.
Sondaı-aq onyń shotyna túsken qarajattardyń túbіrtegі de jelіde jarııalanǵan. Qyrýar aqsha bas múftıdіń Túrkіstanda 2 kúndіk tamaǵy men jatyn ornyna jumsalady delіngen.
Alaıda Erjan Tólepov bul málіmettі jalǵan dep otyr. Aıtýynsha, ımamdar aqyly gazet-jýrnaldardyń aqshasyn Tólepovke jіbergen.
“Bul aqparatty joqqa shyǵaramyz jáne onyń shyndyqqa janaspaıtynyn málіmdeımіz. Imamdar tıіmdі baǵamen meshіt arqyly gazet-jýrnalǵa jazylady. Keıbіr dіn qyzmetkerlerі bіlmestіkpen gazet-jýrnal aqshasyn maǵan aýdarǵan eken. Bolǵan jaǵdaıǵa baılanysty arnaıy jınalys ótkіzіp, túsіndіrý jumystaryn júrgіzdіm. Avtordyń shekten shyqqan іsіn ózіnіń ary men uıatyna qaldyramyz”, – dep málіmdedі Túrkіstan oblysynyń bas ımamy Erjan Tólepov.
Material avtory
