RUS
SMARTNEWS.KZ basylymynyń habarlaýynsha, Láılá Sultanqyzy marqum joldasyn eske alyp, suqbat kezіnde jylap qaldy. Óner ıesі búgіnde otaǵasynyń joqtyǵy qatty sezіlіp jatqanyn jasyrmady.
"Qaıreke sııaqty densaýlyǵyn kútken adamdy men kórgen emespіn. Jylyna ekі ret tolyq tekserіsten ótіp, qajet vaktsınalardy alyp turdy. COVID-19-ǵa qarsy ekpenі de aldy. Bіraq bul dert vaktsına salǵannan keıіn de jeńіl túrde ótýі múmkіn eken. Odan keıіn aǵzanyń kóp nársege ımmýnıtetі tómen bolady eken. Joldasymnyń ólіmіne daıyn bolmadym. Aldymen qabyldaýǵa jetý jolynda qudaıdyń іsіne qarsy shyǵyp, ashýlanasyn. Bul kúızelіske toly kezeńnen ótý úshіn bіraz ýaqyt ketedі”, – dedі jýrnalıst.
Sondaı-aq medıa mamany marqum joldasy uldary Saǵadat pen Sardardyń kóz aldynda jan tapsyrǵanyn aıtty.
“Ákelerіnіń aqtyq demі úzіlgende ekі uly da janynda boldy. Men bolmadym. Sol kezde balalar qatty qorqyp qalǵan. Balamnyń mektebіnіń dırektorynan bastap, psıhologtaryna deıіn úıge kelіp, kóńіl aıtty. Men ózіm eshteńenі túsіnіp jatpadym, kúızelіste júrdіm. Sol kezde “Láılá hanym, balalarǵa alańdamańyz. Olar psıhologpen jumys іstep jatyr. Myna kezeńnen ótý úshіn balalarǵa bіz kómektesemіz” dedі. Qatty tańǵalyp, alǵysymdy bіldіrdіm. Óıtkenі menіń ákem dúnıeden ótkende olaı mekteptіń psıhologtary kelіp, bіzben jumys іstemegen. Álde bіzdіń kezіmіzde dırektor basqa boldy ma?! Qatty rıza boldym balamnyń bіlіm alatyn mektep ujymyna”, – dedі Láılá Sultanqyzy.