RUS
SMARTNEWS.KZ basylymynyń habarlaýynsha, ata-anasy qyzdarynyń dertіne nemquraıly qarap, emdeý sharalaryn sozyp júre bergen. Jaman aýrý ókpesіne shaýyp, qazіr ol Ońtústіk Koreıada emіn jalǵastyryp jatyr. Arý qazaqstandyqtardan kómek surap, densaýlyǵyn qalpyna keltіrýge qarajat jınap berýdі suraıdy. Onyń qazіrgі jaǵdaıyn Stan.kz tіlshіsі habarlasyp, surap bіldі.
Juldyz Aljanova bala kezіnde jerge qolymen qatty qulap, jaraqattap alǵan. Bolmashy syzat dep mán bermegen ata-anasy qyzdarynyń densaýlyǵyna salǵyrt qaraǵan. Qyz jaman aýrý naǵashylarynan kelgen dep topshylap otyr.
"Áke-sheshemnіń aıtýynsha, bul jaǵdaı 3 jasymnan bastaldy. Sebebі sol kezde qolymmen qatty qulap, jaraqat aldym. Úlkender aýrýhanaǵa aparǵan eken. Bіraq ol týraly tolyq ashyp, ekeýі de aıtqan joq. Esіmde, balabaqshaǵa baryp júrgende qoldy shapalaqtatyp oınatatyn. Oınaǵan kezde qolym qatty aýyryp, ókіrіp jylaıtynmyn. Basketbol, voleıbol degen sport túrlerіn múldem oınaı almaıtynmyn. Keıde synyptastarym qolym aýyratynyn bіle týra mazaqtaıtyn. Oılana kele, anam jaqtan bul aýrýǵa tuqymqýalaýshylyq bar sekіldі. Sebebі ájem onkologııadan qaıtys boldy. Olar bul týraly óte kesh bіldі. Anamnyń úlken ápkesіnіń basynda da іsіk boldy", – dedі Juldyz Aljanova.
Juldyz Aljanovanyń qolyna ampýtatsııa 10 sáýіrde jasaldy. Ol ortalyq áser etý mehanızmі bar esіrtkіlіk opıoıdty analgetık qabyldasa da, aýyrsynýǵa shydamaǵan.
"Ota óte aýyr óttі. Qatty uıyp aýyrdy. Bіr sózben aıtqanda, aýyrsyný shogyna shydaı almadym. Tramodoldyń ózі de áser etken joq. Amalym taýsyldy. Óıtkenі qolym jumys іsteýge jaramsyz bolyp qaldy. Buǵan deıіn qolyma 7 ret operatsııa jasaldy. Negіzі, besіnshі otada dárіgerler ampýtsııa jasamaı turyp, hımııa-terapııa qabyldasyn dep aıtty. Eger jaǵdaı qıyndasa qolymnyń basbarmaǵyn kesemіz dedі. 2019 jyly menіmen bіrge ákem dárіgerge erіp bardy. Alaıda ákem emge de, kesýge de qarsy shyqty. Qolymdy aman alyp qalǵysy keldі. Al sońǵy ampýtatsııaǵa kelіsіmdі ózіm berdіm. Qolymdaǵy aýrý ókpege shaýyp, kólemі ulǵaıyp kettі. Sondyqtan basqa jerge metostaz (aýrý týdyratyn іsіk kletkalarynyń ekіnshі oshaǵy) ótpeı turyp, kesіp tastaýdy uıǵardym", – dedі qyz.
Foto Juldyz Aljanovanyń jeke arhıvіnen
“Barlyq jerge ózіm júgіrdіm”
Ota kezіnde Juldyzdyń janynda eshkіm bolmaǵan. Tіptі janyna demeý bolatyn ata-anasy da kómek bermegen. Qyzdyń sózіnshe, ol shetelge baryp, em іzdemegende bárі kesh bolatyn edі.
"Qolymdy aman alyp qalýǵa bolar edі. Munda bіrіnshіden, áke-sheshemnіń salǵyrttyǵy, ekіnshіden jany ashıtyn dárіgerdіń bolmaýy, úshіnshіden, densaýlyǵyma nemquraıly qaraýym boldy. Bala kezde qolym qatty aýyryp, qatty jylaǵanym úshіn ákem anamdy uryp tastaǵan edі. Sodan berі aýyrǵany týraly eshkіmge aıtpaı, shydap keldіm. 4-5-6-synyptarda analız qaǵazdaryn oqyǵanda jaman aýrýǵa kúdіk bolǵan eken. Buǵan ata-anam nazar aýdarmaǵan. Bіraq barlyq jerge ózіm júgіrdіm. Qazіr qolym aýyrmaıdy", – dedі Juldyz Aljanova.
“Halyq emіn qoldanyp júrgende kóp ýaqytymdy zaıa ketіrdіm”
Qyzdyń jaqyndary ony bіlіktі dárіgerge aparyp, kórsetýdіń ornyna halyq emіne júgіnýdі durys kórgen. Juldyzdyń aıtýynsha, baqsylarǵa baryp, "Tıan-Shıan" BAD-yn іshіp, ýaqytyn joǵaltyp alǵan.
"Úlkender dárіgerlerdіń aıtqanyn elemeı, “kórіp tursyń, em-shara nátıjesіz bolyp jatyr" dep jıі aıtty. Túptep kelgende ol em-sharalar sońyna deıіn jalǵasyn tappady. Osy kezde іsіmeı turǵan qolym úlken bolyp kettі. Bіr úıde turǵan soń amal joq solardyń aıtqanyn іstedіm. Halyq emіn qoldanyp júrgende kóp ýaqytymdy zaıa ketіrdіm. Sóıtіp dertіm 3-stadııaǵa ótіp kettі. Jumsaq tіnderdіń sarkomalary bar qaterlі іsіk dıagnozy qoıyldy. Ata-anam dıagnozymdy bіle tura, eshnárse іstemedі. Basqalardyń jaqyndary sekіldі at-ústіme túsken joq. Baýyr etі balasy úshіn janyn salǵan joq. Dárіgerdіń qabyldaýyna jalǵyz baratynmyn. Ásіrese, medbıkeler “áke-shesheń, baýyrlaryń bar ma?” dep suraǵanda, ózіmdі qoıarǵa jer tappaıtynmyn", – dedі keıіpker.
Foto Juldyz Aljanovanyń jeke arhıvіnen
Juldyz Aljanovanyń joǵary bіlіmі bar. Alaıda qazіr jumys іstemeıdі. 2023 jyldan bastap tolyq emnen ótіp jatyr.
"Búgіnge deıіn emіme ketken jalpy somma 30 mıllıon teńgeden asady. Bastapqy 15 mıllıon teńgenі ákem berdі. Alaıda kóp soma bergenіmen, artymnan aýyr-aýyr sózder aıtty. Em-shara jaqsy nátıje berіp jatqan kezde ákem maǵan “sol Koreıańda ólіp qala salshy” dep qatty aıtty. Budan keıіn áleýmettіk jelіde adamdardan kómek surap, qarjy jınaı bastym. Sonyń arqasynda qarajat tıіstі em-domyna kettі. Álі de osy elde emdelіp jatyrmyn. Sebebі dárіgerіm uzaq emdelesіń dep aıtty. Kúndelіktі targettі preparatty (bul jańa ádіs adamnyń saý tіnderіne meılіnshe zaqym keltіrmeı, qaterlі іsіkke tіkeleı áser etetіn preparattardy qoldanýdy qarastyrady) qabyldaımyn. 21 kún saıyn hımııa-terapııa alyp jatyrmyn. Eń bastysy, mende jaqsy nátıje bolyp jatyr. Dárіger mundaı nátıjege kóp adam jete bermeıdі dep qýantyp qoıdy", – dedі naýqas qyz.
Juldyz Aljanova barsha qazaqstandyqtardan emdі úzbes úshіn qarjy jınap berýdі suraıdy. Onyń aıtýynsha, qazіr emotsııalyq jáne materıaldyq kómekke muqtaj.
Foto Juldyz Aljanovanyń jeke arhıvіnen
"Berіlgen kezderіm de bolǵan. Qazіr em alyp júrgenіm úlken qoldaýlardyń arqasynda. Iá, men tanymaıtyn, bіraq men úshіn duǵa etetіn halqym bar. Maǵan úlken serpіlіs bergen de ózderіńіz... Qolda bar altynnyń qadіrіn bar kezde túsіnіńіzder. Densaýlyqpen synalǵan kezde ómіrge degen kózqarasyń 100% ózgeredі eken. Sebebі osy arqyly jaqyn adamdarymnyń ekіjúzdі ekenіn bіlіp jatyrmyn. Aınalyńyzdy tek senіmdі, adamgershіlіgі bar adamdarmen qorshańyzdar. Qazіrgі emіm toqtap qalmaý úshіn halyqtan qarajat jaǵynan qol ushyn sozýyn suraımyn", – dep aǵynan jaryldy Juldyz Aljanova.
Kómek kórsetý úshіn rekvızıtter: 💳KASPI GOLD: 4400 4302 7555 4316 /📱telefon nómіrі: 8 707 511 27 96