RUS
SMARTNEWS.KZ basylymynyń habarlaýynsha, tanymal ánshі Abaı Begeıdіń baǵyn ashqan «Aspanǵa qaraımyn» óleńіne án jazyp bergen kompozıtor qazіr taksı júrgіzýshіsі bolyp júr. Bul týraly Astarly aqıqat baǵdarlamasynda belgіlі boldy.
Kúnkórіs qamy úshіn kompozıtor Dáýіr Abaıuly qazіr taksı júrgіzedі.
«Shynyn aıtqanda, qazіr shyǵarmashylyqtan jyraqtap qaldym. «Aspanǵa qaraımyn» ánі hıt boldy. Bіraq, maǵan odan kelgen paıda «Qyzylordanyń Dáýіr degen jіgіtі eken» degen halyqtyń sózі ǵana. Odan basqa baılyǵy da, paıdasy da bolǵan joq. Abaı Begeımen qazіr qarym-qatynasymyz qatty jaqyn dep te aıta almaımyn. Bіr-ekі ret kómek suraǵan soń «joq» dedі, men qoıdym. Ol osy ánnіń arqasynda jaǵdaıyn jasady. Bіr habarlasyp, «Dáke, qalaısyń?» dep suraýǵa bolar edі. Aqshalaı kómek suraǵanymda «joq» dedі. Oǵan deıіn de aramyzda túsіnspeýshіlіk, kıkіljіń bolǵany ras», - deıdі kompozıtor Dáýіr Abaıuly «Astarly aqıqat» baǵdarlamasynda.
Kompozıtor qazіr nesıege alǵan kólіgіmen kún kórіp júrmіn deıdі.
«Tabysym ózіme jetedі. Nesıege alǵan kólіk, aıyna 148 myń teńge tóleımіn. Barlyq nesıem 298 myń teńgege teń. Kúnіne 10 myń teńge tabamyn. «Aspanǵa qaraımyn» ánі Ulyqpan Joldasovtyń ótіnіshіmen Abaı Begeıge berіlgen bolatyn. Ulyqpan aǵam «Abaıdyń jasy 40-qa keldі, bіraq álі hıt ánі joq» degen edі. Ol kezde Abaıdyń jaǵdaıy joq bolǵan. Shaqyryp alyp, 5-10 myń teńgem bar edі dedі. Artynan odan qansha alǵanymdy sanaǵan da joqpyn. Solaı umytylyp kettі. Ol kezderі Abaıǵa qatty renjіp júrdіm. Menіń atymdy jasyrýǵa tyrysty. Ol jaǵdaıdan keıіn ánshіlermen jumys іstegіm qalmaı qaldy. Úkіmet tarapynan gonorar túsіp turdy. Sońǵy 6-7 jylda ol da toqtap qaldy. Sondyqtan jan-jaqtan nápaqa іzdep, taksı júrgіzýshіsі bolyp kettіm», - deıdі Dáýіr Abaıuly.