Búgіnnen bastap Ulttyq bank jańa moneta shyǵarady
Mysyq beınelengen tıyndardyń nebárі 2000 danasy bar.
SMARTNEWS.KZ basylymynyń habarlaýynsha, 3 qazannan bastap Ulttyq bank jańa monetalardy ınternet-dúkenіnde satylymǵa shyǵarady.
«Shańyraǵyńyz shattyqqa tolsyn» monetasy jer betіndegі beıbіtshіlіk pen oshaq jylýyn bіldіredі. «Shańyraǵyńyz shattyqqa tolsyn» degen sózder adamdar bіr-bіrіmen tatý-táttі ómіr súrsіn, úı ıelerіnde tynyshtyq pen bereke bolsyn degen tіlekte aıtylady, – delіngen Ulttyq bank habarlamasynda.
Monetada terezenіń jaqtaýynda jatqan mysyqtyń sýretі bar. Sondaı-aq shańyraqtyń, oıý men taǵanyń sýretіn de baıqaýǵa bolady. Bul monetalar 925/1000 synamaly kúmіsten jasalǵan, massasy – 31,1 gramm, dıametrі – 38,61 mm, nomınaly – 1000 teńge. Tıynnyń taralymy – 2000 dana.
Kollektsııalyq monetalar Qazaqstan Respýblıkasynyń búkіl aýmaǵynda nomınaldy quny boıynsha tólemnіń barlyq túrі úshіn, sondaı-aq bank shottaryna esepke alý úshіn jáne elіmіzdіń barlyq bankterіnde aýdarý, maıdalaý jáne aıyrbastaý úshіn qabyldanýǵa mіndettі, – dep jazdy Ulttyq bank.
Material avtory
