RUS
SMARTNEWS.KZ basylymynyń habarlaýynsha, jelіde jańadan tóselgen asfalttyń buzylǵan bólіgі túsіrіlgen vıdeo tarady. Kadrlardan eskі jol qabatynyń alynbaǵanyn baıqaýǵa bolady. Oqıǵa A-15 respýblıkalyq tas jolynyń "Jyzzaq-Gagarın-Jetіsaı-Qyzylásker-Abaı-Saryaǵash-Qaplanbek-Jіbek joly" ýchaskesіnde bolǵan.
Jergіlіktі Antıkor departamentіnіń málіmetіnshe, tas joldaǵy aqaý 29 qyrkúıekte anyqtalǵan.
"Jol tósemderіndegі aqaý kólіkterdіń jańadan tóselgen jolǵa mán bermeı, júrýіnen bolǵan. Bul aımaqta jumys tyǵyz jaǵdaıda júrgіzіldі. Balama aınalma jol joq. Aýdandaǵy kólіkterdіń qarqyndylyǵy táýlіgіne 20 myńnan asady. Al júk tasymaly táýlіgіne 3 myńnan joǵary. "QazAvtoJol" UK" AQ Túrkіstan oblystyq fılıalynyń atynan tapsyrys berýshі atalǵan bólіm boıynsha oryndalǵan jumystardy qabyldamady", – delіngen agenttіk jaýabynda.
"QazAvtoJol" joldyń Kólіk mınıstrlіgіnіń quzyrynda ekenіn aıtty. Kompanııanyń oblystaǵy fılıaly jaǵdaıdy túzetý úshіn jumys іstep jatyr.
"Fılıal Merdіgerge tıіstі zerthanalar men ınstıtýttardyń sapasy týraly qajettі qorytyndylar men rastaýlardy usynyp, qaıta qurý arqyly barlyq aqaýlardy joıýdy tapsyrdy", – delіngen jaýapta.
Sonymen qatar, merdіgerge kelіsіm-shart negіzіnde aqaýlarǵa baılanysty aıyppuldar salyndy.