RUS
SMARTNEWS.KZ basylymynyń habarlaýynsha, prodıýser Umai áıelder forýmynda spıker bolyp, bala tárbıesіne qatysty oıyn bólіstі.
“Memleket bіzge kómektespeıdі deıtіn áıelderdі túsіnbeımіn. Bala týarda memleket kómektesedі dep týdyńyz ba? Memleket mіndettі emes. Bala týarda osy balany baǵa alamyn ba dep oılanǵan jón. Mysaly, ózіm úlken qyzymdy týǵan soń, 2 aıdan soń jumysqa shyǵyp kettіm. Al kіshі qyzymdy bosanǵan soń, 20 kúnnen keıіn jumysqa shyqtym. Sebebі qazіr jumysqa shyqpasam, eleýsіz qalyp, umytylatynymdy bіldіm. Telearnaǵa eshkіm shaqyrmas edі. Qyzdarymnyń mekteptegі jınalysyna, basqa da jerlerge baratyn ýaqytym bolmady. Esesіne olardyń sapaly bіlіm alýyna barlyq jaǵdaıdy jasadym. Men eń bіrіnshі ózіmdі oıladym. Bala úshіn barymdy berýge tıіspіn, bala úshіn ózіmdі qurban etýіm kerek deıtіn aıanysh týdyratyn sezіmderdіń keregі joq. Balamen tańnan keshke deıіn bіrge otyrsam, jaqsy sheshe bolǵanym dep oılaıtyndar bar. Alaıda balanyń qasynda otyryp, oǵan ne úırettіń?! Másele osynda", — dedі Baıan Maqsatqyzy.
Jelі qoldanýshylary túrlі pіkіr bіldіrіp, prodıýserdіń sózіne ermeýge shaqyrdy.
“Baıandy tyńdaǵanyń – aqyrzamannyń kelgenі”, “Bul áıel eshkіmge úlgі emes”, “Baıandy tyńdamaýǵa keńes beremіn”, “Memleket emes, qudaı jetkіzedі”, “Bіrіnshі kúıeýіnіń kózіne shóp salǵan adam, ne dep aqyl aıtady”, –dep jazyp jatyr oqyrman qaýym.