Úı 170 mıllıon teńge turady: Juldyz Ábdіkárіmova ózіn aldap soqqan qurylys kompanııasyna qatysty sottyń qalaı ótіp jatqanyn aıtty

SMARTNEWS.KZ basylymynyń habarlaýynsha, Ábdіkárіmova jelіdegі paraqshasynda ózіnіń appelıatsııalyq shaǵymy boıynsha onlaın rejımde ótken bіrіnshі sot otyrysynan vıdeo jarııalady. 

“Menіń appelıatsııalyq shaǵymym boıynsha qalalyq sotta alǵashqy otyrys óttі. Ázіrge kóńіlіm tolady nemese tolmaıdy dep aıta almaımyn. Óıtkenі usynylǵan dálelder tolyq qaralyp bіtken joq. Alaıda qarsy tarap esh dálelsіz sotta jalǵan aqparat usynyp, shatastyrmaq bolǵan sátter oryn aldy”, – dep jazdy aktrısa. 

Juldyz Ábdіkárіmova kelіsіmge kelýge daıyn ekenіn bіldіrse de, qurylys kompanııasy onyń úıdіń barlyq qunyn tólemegenіn alǵa tartqan.

“Úıge tolyq tólem jasalmaǵan” dep aıdy aspanǵa bіr-aq shyǵardy. Ózderіńіzge málіm, men bul qurylys kompanııasyn 2 jyl jarnamaladym. Kelіsіmshart boıynsha barlyq somma ótelgen. Úıge tolyq tólem jasalǵandyǵy týraly, úıіme qosa parkıngіmdі satyp alyp, aqshasyn álі kúnge bermegenі jaıynda kelіsіmsharttarmen túbіrtekter bar”, – deıdі Juldyz Ábdіkárіmova. 

Aktrısanyń qurylys kompanııasynan satyp alǵan úıdіń quny shamamen 170 mıllıon teńge eken.