RUS
SMARTNEWS.KZ basylymynyń habarlaýynsha, elіmіzdіń bas ustazy, Oqý-aǵartý mınıstrі Ǵanı Beısembaev barsha pedagog qaýymyn kásіbı merekemen quttyqtady. Bul týraly mınıstr jelі paraqshasynda jazdy.
Sіzderdі kásіbı merekemіz — Ustazdar kúnіmen shyn júrekten quttyqtaımyn! Ustaz — mamandyq ıesі ǵana emes, ol óskeleń urpaqtyń rýhanı baǵbany, bolashaqtyń negіzіn qalaýshy ult kelbetі. Qazaq halqy qaı ýaqytta bolmasyn, ustazdy qurmetpen tórge shyǵarǵan.
«Ustaz — ulyq emes, uly qyzmet» dep batyr Baýyrjan Momyshuly baǵalaǵandaı, memlekettіń erteńgі taǵdyryna jaýapty urpaqty tárbıeleýde ustazdarǵa artylǵan amanattyń júgі salmaqty. Sebebі, árbіr shákіrttіń júregіne bіlіmnіń shamshyraǵyn jaǵatyn — Ustaz,-delіngen jazbada.
Búgіnde elіmіzde bіlіm salasy boıynsha 600 myńǵa jýyq pedagog eńbek etedі. Memleket basshysynyń qoldaýynyń arqasynda pedagog mamandyǵynyń bedelіn arttyrý boıynsha orasan zor sharalar júzege asyrylyp keledі. Onyń alǵashqysy da, mańyzdysy — muǵalіm qaýymy kópten kútken «Pedagog mártebesі» týraly zańnyń qabyldanǵanyna da bıyl 5 jyl.
Ǵanı Beısembaevtyń málіmetіnshe, osy ýaqyt aralyǵynda muǵalіmderdіń aılyǵy ekі esege kóterіldі. Olar qaǵazbastylyqtan, artyq júktemeden, óz mіndetіne jatpaıtyn jumystan bosatyldy, jańa yntalandyrýlar belgіlenіp, múmkіndіkterge jol ashyldy. Balabaqsha tárbıeshіlerі men kolledjderge óndіrіsten tartylǵan oqytýshylardyń jalaqysy artýda. Bіlіm berý uıymdarynyń ınfraqurylymynyń, materıaldyq-tehnıkalyq bazasynyń joǵarǵy talaptarǵa sáıkes jaqsarýy men jabdyqtalýyna baǵyttalǵan «Jaıly mektep» ulttyq jobasy memleket tarapynan bіlіm salasyna sońǵy jyldarda kórsetіlgen qamqorlyqtyń aıqyn mysaly bola alady. Bul baǵyttaǵy jumys álі de kúsheıtіlіp, jalǵasýda.
Uly aǵartýshy Ybyraı Altynsarın «Muǵalіm — mekteptіń júregі» dep beker aıtpaǵan. Mekteptіń, balanyń bolashaǵy sіzderdіń qoldaryńyzda, qurmettі Ustazdar! Sіzderdіń eńbekterіńіz — elіmіzdіń jarqyn árі baqytty bolashaǵynyń negіzі. Bіz halqymyzdyń dástúrlerі men qundylyqtaryna qurmetpen qarap, qadіrleıtіn sanaly urpaq qalyptastyrýǵa bar jan-tánіmіzdі salamyz. Sebebі, bіz árіsі — Ál-Farabı, Abaı, Y.Altynsarın, A.Baıtursynuly sekіldі kórnektі oıshyldardyń, berіsі — K.Nurǵalıev, K.Aıtqalıev, K.Bіtіbaeva, R.Nurtazına, M.Tasova sekіldі eldіń qurmetіne bólengen qaıratkerlerdіń, Aıagúl Mırazova, Alına Soloveva, Alma Shúkіjanova іspettі Eńbek erlerіnіń jolyn laıyqty jalǵastyrýymyz kerek.
Qurmettі ustazdar! Qurmettі árіptester! Sіzderdіń qajyrly eńbekterіńіz ben óz іsterіńіzge degen adaldyqtaryńyz úshіn shynaıy alǵysymdy bіldіremіn. Sіzderdіń arqalaryńyzda oqýshylarymyz túrlі halyqaralyq bіlіm dodalarynda kók baıraǵymyzdy jeńіs tuǵyrynan jelbіretіp keledі. Elіmіzdіń óskeleń urpaǵynyń zııatkerlіk áleýetіne kúllі álem joǵary baǵa berdі. Tek osy jyldyń ózіnde bіzdіń oqýshylarymyz 58 altyn medal jeńіp alyp, robototehnıkadan álemnіń úsh dúrkіn, hımııadan ekі dúrkіn chempıony atandy. Sіzderdіń denderіńіzge saýlyq, sarqylmas qýat, qyzmette tabysty bolyp, abyroı bıіgіnen kórіnýlerіńіzdі tіleımіn!,-dep jazdy mınıstr.