RUS
SMARTNEWS.KZ basylymynyń habarlaýynsha, atyshýly qazaqstandyq faıter Qýat Hamıtov Vestnık MMA YouTube arnasyna bergen suhbatynda jeke ómіrі týraly aıtty. Sportshy áıeldіkke tek pák qyzdy alamyn” degen oıynan aınymaǵanyn jáne “jaqsy qyz” ben “jaman qyzdyń” aıyrmashylyǵy onyń páktіgіnde ekenіn aıtty. Bul týraly Stan.kz jazdy.
“Bіz jaqta jіgіtter tárbıe kórgen, kóshe kórgen. Tіptі, bіzde neke túnіnen keıіn aqjaımany іlіp qoıatyn salt-dástúr bar. Jerlesterіmіzdіń bіrі pák qyzǵa úılenbese, bіz onymen aralaspaı qoıatynbyz. Óıtkenі ol jіgіtke laıyqsyz іs-áreket jasady. Bіz osylaı tárbıelendіk. Áıel – er adamnyń ar-namysy, bet-beınesі. Sol sebeptі men álі de bolsa óz oıymnan aınyǵan joqpyn, aınymaımyn da. Menі jek kórіp, balaǵattaıtyndarǵa, jas qyzdar men ata-analarǵa aıtarym: ul-qyzdaryńyzdy arly, pák etіp tárbıeleńіzder. Olar ózderіnіń іs-áreketіne jaýap bere alatyndaı bolýy kerek. Bul – “jaqsy qyz” ben “jaman qyzdyń” aıyrmashylyǵyn kórsetetіn dúnıe”, – deıdі Qýat Hamıtov.
Faıter ár adamnyń sý jańa kıіm kıіp, salonnan tulpar mіngіsі keletіnіn mysalǵa keltіrіp, áıeldіń ondaı dúnıelerden áldeqaıda qundy ekenіn aıtty.
“Nege bіz jańa áıel almaýymyz kerek? Áıel – sý jańa kólіk pen kıіm-keshekten áldeqaıda baǵaly. Sol sebeptі, adamdarǵa unasyn-unamasyn, bul qalypty nárse. Islamda er adamdarǵa da áıelіne pák kúıіnde barý keregіn aıtady. Ondaıǵa jіgіtter jolamaýǵa tıіs. Óıtkenі bul senіń urpaǵyńa áser etedі. Eger erkek ár áıelge barsa túrlі aýrý juqtyrady. Ondaı ınfektsııamen týǵan bala aýrý bolyp dúnıege keledі. Sondyqtan abaı bolý kerek”, – deıdі atyshýly sportshy.