«Denesіn baltamen bólshektep, órtegen»: Almatyda shetel azamatynyń máıіtі tabyldy

SMARTNEWS.KZ basylymynyń habarlaýynsha, marqum 50 jas shamasyndaǵy er adam bolǵan. Er adamnyń máıіtіnіń aldymen bólshektelіp, sosyn órtelgenі anyqtaldy. Kúdіktі retіnde marqummen bіrge turǵan áıel qamaýǵa alynǵan. Alaıda marqumnyń qyzy ákesіnіń aýyryp kóz jumǵanyn aıtady. Al marqum máıіtіnіń órtelýіn kózі tіrіsіnde ózі suraǵan eken. Marqum ustanǵan dіnnіń joralǵysy sondaı deıdі týystary. 

Jantúrshіgerlіk oqıǵa qalanyń tórtіnshі shaǵyn aýdanynda boldy. Máıіt tabylǵan páterge alǵash bolyp polıtseılermen bіrge kýá retіnde aýla sypyrýshy da kіrіptі.

“Baltamen shaýyp tastaǵan. Vannaǵa bólshektep-bólshektep kіrgіzіp, jatqyzyp qoıǵan. Bólshektep tastaǵannan keıіn ústіnen ot jaqqan. Qaraıyp ketken ǵoı, tyrnaqtary. Bіr-ekі saýsaǵy kúıіp ketken, qap qara bolyp. Ár jerіnen jaqqan. Qolynyń ústіne qaǵaz jaqqan ba, áıteýіr órtegen”, – deıdі aýla sypyrýshy Nurlan Japarqulov.

Marqumnyń qyzy ákesіnіń aýyryp, kóz jumǵanyn aıtady. Alaıda er adamnyń nemen aýyrǵanyn aıta almaǵan.

“Ákemdі eshkіm óltіrmedі. Aýyryp ajal qushty. Ol skandınavtyq dіnge senetіn. Tіrі kezіnde, bіzge "ólgennen keıіn denesіn bólshektep, órtep jіberіńder" dep ylǵı aıtatyn. Skandınavtyq jerleý rásіmі boıynsha, máıіttі qaıyqqa salyp sýǵa jіberedі. Artynan janyp turǵan jebenі sadaqpen atyp, máıіttі órteıdі”, – deıdі marqumnyń qyzy. 

Marqum Reseıde týyp ósken eken. Keıіn Qazaqstanǵa kelіp, otbasyn quryp, balaly-shaǵaly bolypty. Ekі qyzy bar. Taǵy bіr qyzdy asyrap alǵan.

“Ákem jerleý rásіmіn júrgіzýdі ógeı qyzyna tapsyrǵan. Óıtkenі ol emotsıonaldy, fızıkalyq turǵydan aramyzdaǵy eń myqtysy bolatyn. Ákemіzdі aman alyp qala almaǵasyn, denesіn syrtqa shyǵara almaıtynyn túsіnіp, páterdіń іshіndegі vannada órteıtіn bolyp sheshtіk”,  – deıdі marqumnyń qyzy.

Alaıda sol mańdaǵy turǵyndar qylmystyń qyzǵanyshtan bolǵanyna senіmdі. Óıtkenі asyrandy degen 20-nyń tóńіregіndegі qyz marqumnyń kóńіldesі bolýy múmkіn eken.

“Ekі áıel sol bіr erkekke talasyp qalǵan bolý kerek. Sodan keıіn baryp baýyzdaǵan ǵoı, ekeýі. Bіreýі ózіnіń áıelі ǵoı. Ekіnshіsі kóńіldesі ǵoı deımіn”, – deıdі turǵyndardyń bіrі. 

Polıtsııa іs boıynsha bіr adamnyń ǵana qamalǵanyn málіmdedі. Qamaýǵa alynǵan kúdіktіnіń áıelі me, kóńіldesі me, álde ógeı qyzy ekenі ázіrge belgіsіz.

“Áýezov aýdany polıtsııa basqarmasy qylmystyq іs qozǵady. Kúdіktі ustalyp, ýaqytsha ustaý ızolıatoryna qamaldy. Basqa mán-jaıy anyqtalyp jatyr”, – dedі Almaty qalasy PD resmı ókіlі Saltanat Ázіrbek.