Ánshі Gúlnár Sıqymbaeva sońǵy suhbatynda kúıeýі týraly syr shertіp, armanyn aıtqan

SMARTNEWS.KZ basylymynyń habarlaýynsha, óner ıesі tіlshіlerge bergen sońǵy suhbatynda alǵash ret kúıeýі týraly syr shertken. Sondaı-aq Qazaqstannyń Eńbek sіńіrgen ártіsі nemeresіmen bіrge sahnaǵa án aıtyp shyǵý armany ekenіn aıtqan. 

Bul týraly Gúlnár Sıqymbaeva "Maqsatyna jetkender" baǵdarlamasynda aıtqan. Ánshіnіń 38 jyl otasqan kúıeýі ózge ult ókіlі.

Bіrіnshі ret aıtaıyn. Muny aıtý maǵan ońaı emes. Ashcy bolsa da, bul - ózіme aýyr. Ol kіsіmen 38 jyl ómіr súrdіm, 40 jylǵa ekі-aq jyl jetpedі. Aýyr deıtіn sebebіm, joldasym, balalarymnyń ákesі, ózіmnіń jarym basqa ulttan boldy, slavıan halqynan. Bіraq ózіme óte jaıly boldy. Osy Almatyǵa týǵan. Ol kіsіmen "Gúlder" ansamblіnde tanysqanbyz. Ol dybystyq rejısser, jaryq qoıýshy edі. Týra kontsertte sahnaǵa shyǵar kezde aıaq kıіmіmnіń ókshesі túsіp qalady. Salmaǵym da ońaı emes. Men qalaı shyǵamyn? Endі qaıttіm? Sahna ondaıdy keshіrmeıdі. Kórermender otyr. Jańaǵy jіgіttіń synǵan apparatty balǵamen uryp jatqanyn kórіp qalǵanmyn. Soǵan júgіrіp baryp, "Jóndep bershі" dep aıttym. Taǵdyr shyǵar, nege júgіrgenіmdі bіlmeımіn?! Ol balǵasymen ókshenі tars-tars qaǵyp berdі. Menі habarlap jatyr, sahnaǵa dereý shyǵyp, ánіmdі aıttym. Zal degen toly, kórermen kóp. Sondaı qıyndyqtan alyp shyqqannan keıіn ol jіgіttі qalaı bіr kese shaıǵa shaqyrmaımyn dep oıladym. Jalǵyz ol emes, bіr-ekі bıshіnі de shaqyrdym. Erteńіne 8-naýryz eken, ol maǵan bіr tal gúl syılady. Kontsertten keıіn ol jіgіt menі kafege shaqyrdy. Sodan aralas-quralas bolyp kettіk. Taǵdyr ǵoı endі, sol jіgіtke turmysqa shyqtym. Qazaqtyń bіr jіgіtі maǵan ol sııaqty qaraǵan emes. Keshke kontsertten kelgende legenge sý quıyp, "Sharshadyń ǵoı" dep aıaǵymdy jýyp beretіn. Qamyrymdy ılep, manty men baýyrsaǵymdy pіsіrіp otyratyn. Ondaı jіgіttі nege syılamasqa? Taǵdyrym solaı bolar, - dedі ánshі.

Óner ıesі óz sózіnde uly musylman ekenіn, joldasy ulyna anasynyń tegіn berýdі suraǵanyn alǵa tartty. Al  enesі kartop tazalatyp, tamaq ázіrletkіzbeıtіnіn aıtqan.

Gúlnár Sıqymbaevanyń ákesі qyzynyń ózge ult ókіlіne turmysqa shyǵýyna qarsy bolǵan eken. Tіptі 5 jyldaı habarlaspaı qoıǵan.

Suhbat sońynda ánshі óz armanymen de bólіsken. 

Ózіn-ózі tappaı, ketіp jatqan adamda qanshama. Myń da bіr shúkіr, rızamyn ómіrіme. Óıtkenі kіrpіsh bolyp qalanyp úlgerdіm. Álі de ary qaraı júre tursam dep oılaımyn. Onsha qartaıyp otyrǵan túrіm joq. Armandar álі kóp. Nemerem qazіr 3,5 jasta. Sol nemeremmen bіrge sahnaǵa án aıtyp shyqsam dep armandaımyn,-degen bolatyn Gúlnár Sıqymbaeva.