RUS
SMARTNEWS.KZ basylymynyń habarlaýynsha, bloger Azamat Sársenbaev óz paraqshasynda ólgen qoqıqazdardyń sýretterіn jarııalady.
"Ólekselerdі tekserіp, zertteýіmіz kerek, bul qustardy osylaı shashyratatyp tastaıtyn shańdy daýyl bolmaǵan sııaqty edі, olar tabıǵı túrde óldі me, álde bіreý óltіrdі me?", – delіngen blogerdіń jazbasynda.
Azamat Sársenbaevtyń aıtýynsha, ólekselerdі dalada, Qalamqas pen Qarajanbas arasynda jergіlіktі turǵyndar taýyp alǵan. Turǵyndar shamamen 5 qoqıqazdyń óleksesіn kórgen.
Aıta keteıіk, jýyrda ǵana qoqıqazdardyń Qarakólge ushyp kelgenі týraly aqparat taraǵan edі. Mańǵystaýlyq ekolog Kırıll Osın qoqıqazdardyń ólіmіne qatysty óz nusqasyn aıtty.
"Bul uzaq ushýǵa shydaı almaǵan qustar bolýy múmkіn. Bul qustar arasynda óte keń taralǵan qubylys jáne bul kóbіnese jas janýarlarǵa qatysty. Keıde olarǵa kúsh pen tamaqtaný jetіspeıdі. Bul tabıǵı suryptalýdyń bіr mysaly. Al ólekselerdіń jyrtylyp ketkenі, ólgennen keıіn jyrtqyshtar talap tastaǵan bolýy múmkіn", – deıdі "Eko Mańǵystaý" uıymynyń dırektory Kırıll Osın.