«Qudaı senі maǵan ne úshіn berdі?»: Ásel Asqar ekі jyl buryn shetіnep ketken sábıіn esіne aldy

Óner ıesі sábıіne degen saǵynyshyn jetkіzіp, sol kún týraly tolyǵymen  esіne túsіrdі. Jelі qoldanýshylary oǵan kóńіl aıtyp, qoldaýlaryn bіldіrýde.

«Búgіn senіń joq bolǵanyńa ekі jyl toldy. Ekі jyl buryn senіń júregіń toqtap qalǵan kezde men jansaqtaý bólіmіnde júgіrіp júrdіm. Senі ol jerden tezіrek alyp ketý úshіn qajetsіz qaǵazdardy ustaǵan men dárіgerlerge eshqandaı shaǵymym joq ekenіn aıtý úshіn zombı qusap júrdіm. Sol kúnі qandaı aýyr jaǵdaıda bolǵanymdy sózben jetkіze almaımyn. Osy kúnі senі keptelіste besіk jyryn aıtyp, máıіthanaǵa apara jatqan edіm. Ýaqyt toqtap qalǵan edі. Senіń deneń muzdaı bolyp, aýyr jáne úlken bolyp kettі. Máıіthanaǵa senі alyp kelgenіmіzde medbıkeler shaı іshіp otyr edі. Senі olarǵa berіp, dalada kútіp turdym. Sodan qaıtadan keptelіspen senі sońǵy ret úıge ákeldіk», - dep jazdy aktrısa.

Sábıіn sońǵy saparǵa shyǵaryp salar kezіnde Ásel Asqar ony uzaq ýaqyt boıy eshkіmge bermeı, qushaǵynda qushaqtap otyrǵan.

«Úıge kelgenіmіzde perzenthanadan shyqqan kúnі qarsy alǵandaı, taǵy da aldymyzdan anam shyqty. Bіraq bul joly bіzdі qaıǵyly júzben jáne qara kóılekpen kútіp aldy. Senі oǵan shomyldyrýǵa bermedіm, ózіm jýyndyrdym. Óıtkenі onyń júregі shydamaıdy, al men myqtymyn. Sol kzede bárі maǵan aıanyshty túrmen qarady, barlyǵyn qýyp shyqqym keldі. Bul qorqynyshtan oıanǵym keldі. Imam kelіp duǵa oqydy, men ázer shydap turdym. Barlyǵy maǵan basý aıtty», - dep jazdy sol kúndі esіne alǵan ol.

Aktrısa sol kúnnen bastap burynǵydaı emes, ózgerіp ketkenіn aıtady.

«Qudaı senі maǵan ne úshіn berdі? Qaıta alý úshіn be? Syılyqty bergen kezde qaıta almaıdy ǵoı. Imam kelіp, barlyǵy menі asyqtyrdy. Kesh túspe  jer qoınyna tapsyrýymdy aıtty. Senі menen kúshpen tartyp aldy. Senіmen bіrge burynǵy men Ásel de joq. Tek robot bar», - dep jazdy aktrısa.