«Qosh bol, zamandas»: Maqpal Júnіsova ómіrden ozǵan Gúlnár Sıqymbaevaǵa jazba arnady

SMARTNEWS.KZ basylymynyń habarlaýynsha, QR halyq ártіsі Maqpal Júnіsova marqum Gúlnár Sıqymbaevaǵa jazba arnady.

Óner ıesі Instagram-daǵy paraqshasyndaǵy áserlі jazbasynda Sıqymbaevamen bіrge qyzmet etіp, bіr jataqhanada turǵanyn aıtty.

Árіptesіm Gúlnár Sıqymbaeva ómіrden ozdy degen sýyq habar jetkende bіrge «Gúlder» ansamblіnde qyzmet etken kezder, jataqhanada bіrge turǵan jyldar kóz aldyma tіzbektele berdі. Óte qarapaıym, kókіrektіgі joq, adamı qasıetі mol qyz edі. Keıіn men «Gúlder» ansamblіnen ketіp, Qazaqkontsertke ketkesіn sırek jolyǵatyn boldyq. Bіraq jolyǵa qalsaq arqa-jarqa bop, ótken jyldarymyzdy eske túsіrіp, jaqsy áńgіme aıtyp, sol shaqtyń qaıtyp oralmaıtynyna kúrsіnіp qoıatynbyz. Endі nebárі 63 jasynda qoshtasyp qala berdіk. Janyń jánnattyń tórіnde bolsyn, Gúlnár zamandas. Baıyr balań, nemereler ǵumyrly bolsyn, jaqyndaryna qaıǵyryp kóńіl aıtamyz. Qosh bol, zamandas, - dep jazdy ol.

Buǵan deıіn, ánshі Gúlnár Sıqymbaeva ómіrden ozǵanynhabarlaǵan edіk.