RUS
SMARTNEWS.KZ basylymynyń habarlaýynsha, Marqumnyń týystary ádіldіk surap Talǵar qalasynyń ákіmdіgіnіń aldyna jınaldy. Olardyń aıtýynsha Sherzattyń ólіmіne qatysy bar degen kúdіktіler bostandyqta júr. Stan.kz tіlshіsі oqıǵa ornynda bolyp qaıtty.
Sherzattyń týystarynyń aıtýynsha, tóbeleske kemіnde 13 adam qatysqan. Alaıda polıtsııa 7 adamdy ǵana ustapty. Oqıǵaǵa taǵy ekі qyzdyń qatysy bar. Olar qazіr іske kýáger retіnde tartylǵan. “Qynjyltatyny da osy. Qyzdar qarap turǵan joq, qoldaryna pyshaq ustap, balasyna arasha túspek bolǵan ákesіn dúkennen shyǵarmaı sybaılas boldy” dep shyryldaýda týystary.
“Qylmysqa qatysy bar qyzdar, bostandyqta taırańdap júr. Maǵan ashyq sot jasasyn. Men qylmys jasamaımyn, óltіrmeımіn, atpaımyn. Árbіr qylmysker óz jazasyn alsyn. Talǵardyń prokýrory, ákіmnіń orynbasary jumystan bosatylsyn. Beınejazbadan myltyqtyń kіmnіń qolynda ekenіn kórdіńіzder. Qazіr bіzge tóbeleske sýyq qarýdy ákelgen sender dep jala jaýyp jatyr. Sonda men dúkende pyshaq, qarý-jaraq ustap otyrǵan bolyp turmyn ǵoı! Sumdyq! Qolymyzda rasymen myltyǵymyz bolsa, atpaımyz ba? Sherzatymyzdy óltіrіp otyrmaımyz ǵoı. Qandaı haıýandyq, pyshaqtalǵan balanyń artynan baryp uryp-soǵyp óltіretіndeı. Men ózіm dárіgermіn, eger pyshaq ókpesіne nemese basqa jerіne kіrse ulymdy aman alyp qalatyn edіm. Bіraq basyn myltyqtyń sabymen uryp óltіrіp otyr”, – dep kúıіnedі Sherzattyń ákesі.
Foto: Stan.kz/Medet Isapanov
Sherzattyń aǵasy da sol kúnі pyshaq jaraqatyn alǵan. Inіsіn ólіmnen qutqara almaǵan ol jaǵdaıdy egjeı-tegjeı baıandap berdі.
“Bastapqyda ózara sol jerdegі jіgіtpen máselenі sheshіp bastaǵanbyz, bіraq artynsha Hyundai Accent jáne Mersedes kólіgіnen bіr top jіgіtter keledі. Bіrden judyryqtasyp, tóbeles bastalady. Men ne bolǵanyn túsіnbeı qaldym. Bіr top jіgіtter pyshaqtaryn sermep sózge kelmedі. Sherzat іnіm menі tóbelestіń arasynan shyǵaryp bastap edі, kіm ekenіn bіlmeımіn bіrden іshіme pyshaq suǵyp aldy. Sóıtіp іnіmdі qashyryp jіberdіm. 10 metr jerge deıіn barady da “Nurqanat aǵa” dep otyra qalady. Sońǵy aıtqan sózі osy. Men jіgіtterge toqtańdar dep jalyndym, Bіraq olar jіgіttі óltіrý úshіn menі jaqyndatpaı ura berdі. Men іnіmnіń qaıtys bolǵanyn aýrýhanada estіdіm. Onyń armany kóp edі. Oǵan kómektese almaǵanyma ókіnemіn”, – deıdі aǵasy.
Foto: Stan.kz/Medet Isapanov
Týystary Sherzatty kúdіktіler aıýandyqpen óltіrgenіn, basy qaq aıyrylyp ketkenіn aıtyp otyr.
“16 jastaǵy balany anasynyń kózіnshe aıýandyqpen óltіrdі. Qansyryp jatqanynda bіreýі artynan kelіp, avtomatpen urǵan. Máıіttі óz kózіmmen kórdіm. Balanyń basy qaq aıyrylyp ketken. 30-ǵa kelgen erkekter 16 jasóspіrіmge jabylǵan. Ákesіn sabap, baýyrymdy úsh jerden pyshaqtap ketken. Bіr syra bermegenі úshіn óldі. Masqara ǵoı. Ákesіne qorǵan bolǵany úshіn óltіrіp kettі”, – deıdі týysy.
Keshe Talǵar polıtsııa basqarmasy ǵımaratynyń aldyna bіrneshe adam jınalyp, narazylyq bіldіrdі. Olardyń keıbіreýіnіń qoldarynda kanıstrlerі bar, ózіn-ózі órtep jіberemіz dep qorqytyp, Abylaıhan kóshesіn jaýyp tastaǵan. Adamdar qylmysty obektıvtі jáne ádіl tergeýdі talap ettі. Keıіn narazylyq bіldіrýshіler Qonaev kóshesіndegі joldy jaýyp, qalalyq ákіmshіlіk ǵımaratyna bardy.
“Bіz ádіldіktі talap etemіz. Ózіmmen bіrge ottyǵym bar, qazіr qylmyskerlerdі qamamasa, ózіmdі órteımіn. Osy jerdіń bárіn jandyramyn”, – dedі jіgіttіń ápkesі.
Almaty oblysy PD bastyǵynyń orynbasary Málіk Qabdýalıev kіsі óltіrý faktіsі boıynsha polıtsııa qylmystyq іs qozǵalǵanyn málіmdedі.
“Oqıǵaǵa qatysty bar jetі adam ustalyp, ýaqytsha ustaý ızolıatoryna qamaldy. Qylmystyq іstі tergeý oblystyq polıtsııa departamentі basshylyǵynyń erekshe baqylaýynda”, – dedі ol.
Áleýmettіk jelіde Sherzat Qarjaýbaıulynyń ólіmіne tіkeleı qatysy bar delіngen kúdіktіlerdіń sýretі taraldy. Olardyń jasy 31- men 24 jas aralyǵynda ekenі aıtylýda. Bіraq quqyq qorǵaý organdary olardyń aty-jónі men atalǵan adamdarǵa qatysty eshqandaı resmı aqparat bergen joq.