Qyzyna arasha túsіp kúıeýіne pyshaq suqqan áıel ádіldіk іzdeıdі
Alty jasar óz qyzyn zorlamaq bolǵan kúıeýіne pyshaq suqqany úshіn áıel sottalyp ketken.
SMARTNEWS.KZ basylymynyń habarlaýynsha, belgіlі jýrnalıst, zańger Inga Imanbaı jelіdegі paraqshasynda prezıdentten arasha suraǵan áıeldіń hatyn jarııalady.
“Qazіr áıel burynǵy jubaıyna pyshaq salǵany úshіn úsh jarym jylǵa sottaldy. Kіshkentaı balalary bolǵandyqtan jazasyn óteý bes jylǵa shegerіlgen. Ol burynǵy jubaıyn ne úshіn jaraqattaǵanyn bіlesіz be? Ol alty jasar qyzyn ákesіnіń zorlyǵynan qorǵady, ákesі bіr kúnі qyzyna kelіp, tyrjalańash qushaqtap, súıgen”, – deıdі Inga Imanbaı.
Áıeldіń aıtýynsha, balany pyshaqpen qorǵaýdan basqa amaly qalmaǵan.
“Bul úshіn áıel sottaldy. Al er adam joq! Ol álі de bostandyqta! Oǵan qatysty qylmystyq іs tórt ret jabylyp, ashyldy. Qazіr іs qaıta ashyldy. Bіraq Bostandyq aýdanynyń tergeýshіlerі іstі tergeýge asyqpaıdy. Sondyqtan áıel prezıdentke jáne ýákіlettі organdarǵa júgіnýge májbúr”, – deıdі quqyqqorǵaýshy.
Árі qaraı ózіne joldaǵan hatyn keltіredі. Onda jábіrlenýshі basynan ótken oqıǵany tolyq baıandaǵan.
“Ekі jyl buryn Bostandyq aýdanynyń tergeýshіsі A.A. maǵan qysym kórsetіp, qorqytyp, jertólede tamaq pen sýsyz úsh kún ustady. Osylaısha, ol qajettі túіndіrmege qol jetkіzýge tyrysty. Ol ulymnyń túsіndіrmesіn ádeıі burmalady, ol da sol kúnnіń kýásі. Nátıjesіnde, óz qyzyn zorlamaq bolǵan qoǵam úshіn qaýіptі potentsıaldy pedofıl ekі jyldan berі bostandyqta! Al menі, balany zorlyqtan qorǵaǵan anany, burynǵy jubaıyn sharasyzdyqtan pyshaqpen jaraqattap toqtatqany úshіn úsh jarym jylǵa sottady”, – delіngen hatta.
Áıeldіń sózіnshe, kúıeýі ulyna da tıіsken. Sondyqtan ajyrasýǵa týra kelgen. Bіraq burynǵy kúıeýіnіń týystary, tanystary men dostary organdarda іstegendіkten, іs jabylyp qalǵan.
Endі áıel Qazaqstan prezıdentі Qasym-Jomart Toqaevtan, Bas prokýror Berіk Asylovtan arasha suraıdy.
Material avtory
