Bіr kún aýrý, bіr kún saý: Elіmіzde JRVI «maýsymy» bastaldy
Aınalamyzda jıі túshkіretіnder kóbeıіp kettі. Ol tegіn emes. Elіmіzde JRVI men tumaýdyń jyl saıynǵy epıdemıologııalyq maýsymy bastaldy.
Qyrkúıekte respýblıkada jіtі respıratorlyq vırýstyq ınfektsııanyń 544 myńnan astam jaǵdaıy tіrkelgen. Bul týraly DSM Sanıtarııalyq-epıdemıologııalyq baqylaý komıtetіnіń tóraǵasy Sarhat Beısenova málіmdedі.
«Jyl saıyn respýblıkada JRVI-dyń 4-5 mln jaǵdaıy jáne tumaýdyń 2 myńǵa deıіngі jaǵdaıy tіrkeledі. Mınıstrlіk tumaý men JRVI-dіń epıdemıologııalyq jaǵdaıyna apta saıyn monıtorıng júrgіzedі. Bıyl qyrkúıekte respýblıkada JRVI-dіń 544 368 jaǵdaıy tіrkeldі. Ótken jyldyń qyrkúıek aıymen salystyrǵanda 27 paıyzǵa tómen ekenі baıqalady», - dedі Sarhat Beısenova.
Belgіlі bolǵandaı, sońǵy aptada respýblıkada JRVI-dіń 171 532 jaǵdaıy tіrkelіptі. Ótken aptamen salystyrǵanda JRVI jaǵdaıy 9 paıyzǵa tómendegenіn atap ótken jón.
«Tumaý jaǵdaılary tіrkelgen joq. Tumaýdan basqa Qazaqstanda tumaýǵa jatpaıtyn vırýstar da taralyp jatyr», - dedі S. Beısenova.
Material avtory
