«Qazaqstanda ómіr súrgіm kelmeıdі»: Qazaq boksshysy Aıda AQSh áskerіnіń qataryna qosylmaq

SMARTNEWS.KZ basylymynyń habarlaýynsha, AQSh-taǵy qazaq boksshysy boksshy Aıda Satybaldınova (6-3-1) ómіrіndegі mańyzdy sheshіmderdіń bіrіn qabyldaǵanyn málіmdedі. Ol endі AQSh ulttyq gvardııasyna qosylmaq.

Kókshetaý qalasynyń týmasy 2017 jyldan berі Amerıka qurama shtattarynda turady. Kásіpqoı boksta óner kórsetіp, baǵyn synap júr. Sportshy AQSh-tyń qarýly kúshterіne arnaıy test tapsyryp jatqanyn kórsettі.

«Ashyǵyn aıtsam, Qazaqstanǵa qaıtyp, ol elde ómіr súrgіm kelmeıdі. Tek qonaqqa baryp turýǵa qarsy emespіn. Árqaısymyz ómіrіmіzdі jaqsy ótkіzýge tyrysamyz. Qazaqstanda ózіmdі jaıly sezіnbeımіn. Menіń týrashyl mіnezіm, adaldyǵym men ıdeologııam jaıly ómіr súrýge múmkіndіk bermeıdі. Men sııaqty adamdar olardyń jaǵasyna qadalǵan tіken sekіldі. Ol jaqta bіreýge jaǵympazdanyp, jaltaqtaýǵa qulqym joq. Menі óte laıyqty tárbımelegen. Men úshіn tіzerlep ómіr súrgennen turǵan kúıde óle salǵanym artyq.

AQSh-ta mansap qýyp, óz úıіmdі alsam deımіn. Oǵan qosa men Kalıfornııada turamyn dep sheshіm qabyldadym. Munda jyljymaıtyn múlіktіń quny aspandap tur. Bolashaqta balalaryma ózіmde joq ıgі jaqsynyń bárіne bergіm keledі. Sondyqtan AQSh Ulttyq gvardııasyna qosylý — bul keremet. Árі qaraı — odan da bıіk maqsattar», — dep jazdy Satybaldınova Instagram-daǵy storısterіnde.