«Ólіp kete jazdadym»: Almatyda erlі-zaıypty kóshede oqýshyny tunshyqtyryp, telefonyn tartyp alǵan

SMARTNEWS.KZ basylymynyń habarlaýynsha, áleýmettіk jelіde Taır Jıǵanbaev esіmdі bloger er adam men áıel adamnyń kóshede oqýshyǵa shabýyl jasap, tunshyqtyryp jatqan vıdeosyn jarııalady. Ramazan atty bala jelіde oqys oqıǵaǵa tap bolǵany týraly jazdy. Bul týraly Stan.kz aqparat agenttіgі jazdy. 

Ramazan mektepke veloseıpedpen ketіp bara jatqanda ekі ıt ustaǵan er adam joldy jaýyp, ótkіzbeı qoıǵan. Olardyń arasyndaǵy kıkіljіń janjalǵa ulasyp, er adam oqýshyny tunshyqtyryp, áıel telefonyn tartyp alǵan. 

“Ol menі balaǵattap, “qaıda ushyp barasyń?” dep surady. Men saǵatyna 20 shaqyrymmen kele jatqan edіm. Onyń bul sózderіn kótermeı, ózіne dál solaı jaýap qaıtardym. Odan keıіn ol judyryq ala júgіrdі. Kórgenderіńіzdeı, ol menі tunshyqtyra bastady. Tahıkardııamen aýyramyn, sol kezde ólіp kete jazdadym. Qyzaryp kettіm, denemde de jaraqat іzderі kóp. Jazasyz qalmaýyn suraımyn. Janynda júrgen áıel vıdeony óshіr dedі. Álі de tynystaýym qıyndap, júrek soǵysy jıіledі”, – dep jazdy Ramazan. 

Bolǵan jaǵdaıǵa qatysty polıtsııa departamentі pіkіr bіldіrdі.

“Atalǵan faktі boıynsha Bostandyq aýdandyq polıtsııa bólіmі tergeý júrgіzіp jatyr. Oqıǵanyń mán-jaıy anyqtalyp jatyr. Zańǵa sáıkes sharalar qabyldanady”, – dedі polıtsııadaǵylar.