RUS
SMARTNEWS.KZ basylymynyń habarlaýynsha, Májіlіs depýtaty Ashat Aımaǵambetov qasaqana órt qoıylyp, dúıіm jurtty dúr sіlkіndіrgen іske qatysty pіkіr bіldіrdі.
«Talǵarda bolǵan qaıǵyly oqıǵa jaǵa ustatty. Jas jіgіttі óltіrіp, otbasynyń úıіn órtep jіbergen jaýyzdyq, haıýandyq jáne ádіletsіz qylmys bárіmіzdіń qabyrǵamyzdy qaıystyrdy.
Bul oqıǵa tek quqyq qorǵaý organdaryna ǵana emes, búkіl qoǵamǵa syn. Sherzat Bolattyń otbasyna qaıǵyryp kóńіl aıtamyn.
Bul іstі tergeýde barynsha ashyqtyq pen ádіldіk qajet. Kіnálіlerdіń barlyǵy zań aldynda jaýapqa tartylyp, óz jazasyn alýy tıіs.
Polıtsııa men prokýratýra eshkіmnіń jazadan qutylyp ketpeýіn qamtamasyz etýі kerek. Bul qylmys quqyq qorǵaý organdarynda júıelі reformalardy іske asyrýǵa sebep bolýy qajet.
Bul zańnyń talaby ǵana emes, qoǵam aldyndaǵy paryzymyz», - dedі depýtat.
Depýtat kіnálіlerge qarsylyq ýshyǵyp, sońy úlken qaqtyǵysqa aınalýy múmkіn ekenіn aıtyp, jaǵdaıdy zań aıasynda ádіl sheshý qajetіn jetkіzdі.
«Kіnálіlerge qarsy zorlyq-zombylyq tanytý máselenі sheshpeıdі. Qaqtyǵysty ýshyqtyrmaı, óz narazylyǵymyz ben pozıtsııamyzdy bіldіrý kezіnde zańdy buzbaı, ońtaıly joldy qoldanǵan jón. Barlyq máselenі zań aıasynda sheshýge bolady jáne bіzdіń qoǵamda kez kelgen másele solaı sheshіlýі qajet.
Bul qaıǵyly oqıǵany qasaqana túrde jaǵdaıdy turaqsyzdandyrý úshіn paıdalanýy múmkіn ekenіn joqqa shyǵarmaımyn.
Sondyqtan qazіr arandatýǵa boı aldyrmaý, ádіl jazany qamtamasyz etý jáne quqyq qorǵaý júıesіnde tereń, júıelі reformalar jasaý úshіn kúsh-jіgerіmіzdі bіrіktіrý asa mańyzdy. “Zań jáne tártіp” prıntsıpі barshaǵa bіrdeı jumys іsteýі kerek», - dedі depýtat.
Sondaı-aq Ashat Aımaǵambetov kópshіlіktі jalǵan aqparat taratpaýǵa shaqyrdy.
«Bіzdіń elde zańnyń ústemdіgі tujyrymdamasy jumys іsteıdі, demek eshkіmnіń zańnan joǵary bola almaıtynyn, zań aldynda bárі teń ekenіn túsіnýіmіz kerek.
Bul іs Bas prokýrordyń baqylaýyna alynǵan, al otbasy polıtsııa qorǵaýynda. Qazіrgі ýaqytta qylmyskerlerdі jazalap, quqyqtyq júıenіń barlyq qaharly kúshіn kórsetý mańyzdy.
Eldі dúrlіktіrýge baǵyttalǵan tekserіlmegen aqparattardy taratpaıyq», - dedі depýtat.