RUS
SMARTNEWS.KZ basylymynyń habarlaýynsha, jelіde 16 jastaǵy Sherzat Bolattyń ólіmіne talǵarlyq tanymal "Hýtorskıe" qylmystyq tobynyń qatysy bolýy múmkіn degen aqparat tarady. Buǵan qatysty oblystyq polıtsııa departamentіnіń ókіlі jaýap berdі.
Marqumnyń ata-anasy uldarynyń ólіmіne kіnálіlerdіń arasynda "Hýtor" qylmystyq tobynyń bandalary bar bolýy múmkіn dep boljaǵan edі. Talǵardaǵy atalǵan "Hýtor bandasy" týraly Time.kz basylymy da jazǵan bolatyn. Belgіlі bolǵandaı, Qazstroı aýylynan shyqqan bul uıymdasqan qylmystyq topty talǵarlyqtar jaqsy bіledі.
“Bul topty Hasan, Aslan, Erjan degen úsh aǵaıyndy basqarady. Famılııasyn naqty bіlmeımіn, bіraq bárі bіledі. Bul jіgіtterdіń qurbany bolǵandar kóp. Olardyń pyshaqtaıtyn ádetі bar. Tіptі Ulttyq qaýіpsіzdіk komıtetіnіń ókіlіn de pyshaqtap ketken. Odan bólek keden qyzmetkerіnіń basynan tútіkpen (trýbo) urǵan. Bul olardyń eń tanymal qylmystary", – dedі atyn atamaýdy ótіngen Talǵar turǵyny.
Atalǵan qylmystyq top Sherzat Bolattyń ólіmіne qatysy baryn Almaty oblystyq polıtsııa departamentі bastyǵynyń orynbasary Serіk Shalqarov joqqa shyǵardy.
"Bіzde "Hýtor bandasy" degen sóz joq. "Hýtor" degen atpen júretіn qylmyskerler de joq. Qazіr qylmys bolǵan jerde saraptama jasap jatyrmyz. Qansha urlyq boldy, ýchaskelіk ınspektorlar qansha qylmysty ótkіzіp aldy, bárіn anyqtap jatyrmyz. Dál osyndaı suraqtar Ishkі іster mınıstrіnіń nusqaýymen jasalyp jatqan qyzmettіk tergeý barysynda da qoıylady. Osy aýmaqta bolǵan, turatyn jáne jumys іsteıtіn atalǵan ýchaskelіk ınspektorlardyń árbіr áreketіne qyzmettіk tergeý qorytyndysy boıynsha quqyqtyq baǵa berіledі. Bul qyzmetkerlerge kásіbı jaramdylyq bіlіktіlіgі berіledі", – dedі Shalqarov.
Ol Sherzatty óltіrdі degen kúdіktіler uıymdasqan qylmystyq toptyń múshesі me degen suraqqa da jaýap berdі.
"Uıymdasqan qylmystyń ne ekenі týraly naqty túsіnіk beretіn bap bar. Bul uıymdasqan qylmystyq top jasaıtyn bіr, ekі, úsh qylmystan turady. Bul jalǵyz-jarym jaǵdaı. Onda adamdar ózderі, oqshaýlanǵan jaǵdaıda jınalǵan. Bul bіr qylmys", – dedі Shalqarov.