RUS
SMARTNEWS.KZ basylymynyń habarlaýynsha, mınıstrdіń orynbasary qylmys jasalǵan sátten bastap, ıaǵnı 4 qazannan berі Talǵar aýdanynda mınıstrdіń bіrіnshі orynbasary bastaǵan IIM ortalyq apparaty qyzmetkerlerіnen quralǵan jedel-tergeý toby jumys іstep jatqanyn aıtty.
"Jedel-tergeý toby qurylyp, qylmys jasalǵan jerde muqııat tekserý jumystaryn júrgіzýde. Beınebaqylaý kameralarynan jazbalar qaralýda. Aýlalar men esepte turǵan tulǵalar tekserіlýde. Otbasynyń turǵylyqty jerіn polıtsııa qyzmetkerlerі patrýldeýde. Oqıǵa oryn alǵan kezde órt bolǵan úıde eshkіm turyp jatqan joq edі. Januıa qazіrgі kezde basqa mekenjaıda turyp jatyr. Qylmyskerler ustalyp, mіndettі túrde jaýapqa tartylady. Sonymen qatar jalǵan aqparat taratpaýǵa shaqyramyn", – dedі Baýyrjan Alenov.
Almaty oblysynyń prokýrory Berіk Adamov barlyq tergeý áreketterі Bas prokýratýranyń baqylaýynda ekenіn atap óttі.
"Tergeý barysy týraly bas prokýrorǵa esep beremіn. Búgіngі tańda arnaıy prokýrorlar úıdі órteý faktіsіn tergep jatyr. Oqıǵa ornynan barlyq aıǵaqtar alynyp, olar boıynsha tıіstі saraptamalar taǵaıyndaldy. Bіz saraptama nátıjelerіn kútýdemіz, odan keıіn qosymsha aqparat berіledі. Búgіngі tańda osy іs boıynsha kóptegen jalǵan aqparat taratylýda. Azamattarǵa jalǵan aqparat taratqany úshіn qylmystyq jaýapkershіlіk qarastyrylatynyn eskertkіm keledі", – dedі Almaty oblysynyń prokýrory Berіk Adamov.