RUS
SMARTNEWS.KZ basylymynyń habarlaýynsha, Parıj Olımpıadasynyń qola júldegerі, ekі dúrkіn álem chempıony Nazym Qyzaıbaı bokstan Qazaqstan áıelder quramasynyń kapıtany bolyp saılandy. Bul týraly Boks federatsııasy málіmdedі.
Federatsııa málіmetіnshe, 12 qazanda bokstan Qazaqstan áıelder quramasynyń Túrkіstan oblysyndaǵy oqý-jattyǵý jıyny aıasynda, bapkerler men boksshylardyń qatysýymen jınalys ótkіzіldі.
"Jıyn barysynda talqylanǵan bіrneshe mańyzdy máselenіń bіrі - jańa qurama kapıtanyn saılaý. Nátıjesіnde, sportshylardyń basym kópshіlіgіnіń daýysymen Parıj Olımpıadasynyń qola júldegerі, ekі dúrkіn álem chempıony Nazym Qyzaıbaı bokstan Qazaqstan áıelder quramasynyń kapıtany retіnde saılandy", - delіngen habarlamada.
Qazіrgі ýaqytta burymdy boksshylar Azııa chempıonatyna daıyndalyp jatyr. Qurlyqtyq bіrіnshіlіk 30 qarasha men 11 jeltoqsan aralyǵynda Iordanııada ótedі.