RUS
SMARTNEWS.KZ basylymynyń habarlaýynsha, Talǵarda bіr top adamnyń qolynan kóz jumǵan Sherzat Bolattyń ólіmіne kúdіktіlerdіń bastyǵy delіngen "Hýtor" bandasynyń basshysy Hasan Qasymbaev qazaqstandyqtarǵa úndeý jasady.
Hasan Qasymbaev jelіde taralǵan aqparat otbasynyń mazasyn qashyrǵanyn alǵa tartty.
“Bіrneshe kúnnen berі áleýmettіk jelіde tarap jatqan aqparattaǵy Qasymbaev Hasan degen men bolamyn. Talǵarda bolǵan qaıǵyly oqıǵa, Sherzat degen balanyń qazasyna, týǵan-týysqandaryna, áke-sheshesіne qaıǵyryp kóńіl aıtamyn. Árıne, qıyn. Eshqaısymyzdyń basymyzǵa bermesіn. Men de ákemіn. Bala tárbıelep, ósіrіp otyrmyn.
Bіzdіń otbasymyzǵa da ońaı bolyp turǵan joq. Qansha kúnnen berі uıqy joq. Jalǵan aqparat menіń jáne otbasymnyń mazasyn qashyrdy”, – dedі ol.
Óz sózіnde Qasymbaev eshqandaı qylmystyq topqa qatysy joq ekenіn málіmdep, qylmyskerlerdіń jazaǵa tartylatynyna senіm bіldіrdі.
“Banda, OPG dep jatyr ondaıǵa qatysym joq. Zań aldynda problema bolmaǵan, sottalmaǵanmyn. Árıne, іnіsі sottalǵan dep aıtyp jatyr. Inіm 2017 jyldan berі jazasyn ótep jatyr. Sondyqtan jalǵan aqparat taratpaýlaryńyzdy suraımyn. Advokat jaldadym, jalǵan aqparat taratqan tulǵalardyń bárіn zań boıynsha jaýap berýіn suraımyn. Men týraly aıtylyp jatqan aqparat kóp, zań boıynsha aryzdaryn jazsyn. Qylmyskerler ustalyp, zań boıynsha jazalaryn alady dep oılaımyn”, – dedі ol úndeýіnde.