«3-4 kún úıde jatyp qaldym»: Indıra Elemes kіsі qolynan qaza tapqan kompozıtordyń uly týraly

SMARTNEWS.KZ basylymynyń habarlaýynsha, kompozıtor Arman Dúısenov jertóledegі stýdııasynda qaza bolsa, onyń uly bіr jyldan soń kіsі qolynan mert boldy.

Óner ıesі marqum kompozıtordyń stýdııada jan tapsyrǵanyn "Astarly aqıqat" baǵdarlamasynda jarııa etіp, artynsha osy áńgіme úshіn qoǵamnyń synyna ushyraǵan edі. 

Estrada juldyzy Elitar.kz aqparattyq portalyna suhbat berіp, baǵdarlamaǵa amalsyzdan barǵanyn aıtty. 

“Alla kýá, ol jerge barǵym kelgen joq. Baǵdarlama tіlshіsі menі kóndіrý úshіn úsh saǵattaı kúttі. “Árýaǵyn syılasańyz kelіńіz” degen áńgіme aıtty. Sonymen bardym.

Barsam, shynymen de, ózіm ǵana boldym. Endі "uıat" degen nárse bar ǵoı. Uıalǵannan keıіn bardym. Barǵanda da, aqıqatyn aıttym. Eshqandaı jaman nárse aıtqan joqpyn. Otbasyn jaqsy kóredі. Ol – ótіrіk emes. Bіr Alla ózі rettep qoıady. Men oǵan senemіn. Eshteńenі de, kóńіlіme almaımyn. Arym taza ekenіn bіlemіn!", – dep aǵynan jaryldy ánshі.

Sondaı-aq óner ıesі jelіde túrlі pіkіr jazyp jatqandarǵa da úndeý jasady. 

“Endі basyma tıіp jatyr. Eshkіmge qatty janym ashyp, tіptі bіr jaqsylyq jasap tastaýǵa bolmaıdy eken. Osy ýaqytqa deıіn eshkіmge jamandyq jasaǵan emespіn. Adamdar qalaı jaman sózder jazady. Úsh-tórt kún úıden shyǵa almaı, jatyp qaldym. Marqumnyń neden kóz jumǵany jaqyn arada aıtylady”, – dedі Indıra Elemes.