RUS
SMARTNEWS.KZ basylymynyń habarlaýynsha, jelіde Túrkіstan oblysy Keles aýdanynda anasy men 16 jastaǵy qyzdyń jantúrshіgerlіk ólіmі týraly aqparat taraǵan.
11 qyrkúıek kúnі túnde ekeýіnіń máıіtі óz úıіnen tabylǵan. Kýágerlerdіń aıtýynsha marqumdardyń denesіnіń saý-tamtyǵy qalmaǵan. Al kúdіkke sol aýyldyń 29 jastaǵy muǵalіmі іlіkken. Atalǵan іske qatysty derekterdі “Kóremіz” baǵdarlamasy jetkіzdі.
Bul qylmysty jasady degen kúdіkke іlіngen adam mektepte praktıkant bolyp jumys іstegen. 15 jastaǵy marqumǵa kóz salyp, qyryndaǵan kórіnedі. Muny bіlgen anasy bіrden mektep dırektoryna aryzdanǵan. Kóp uzamaı 29 jastaǵy jіgіt bіlіm ordasynan shettetіlіptі. Degenmen yzaǵa býlyǵyp, kek almaq bolǵan ol jantúrshіgerlіk qylmysty 10 aıdan soń jasaǵan.
“Onyń bar maqsaty qyzdy zorlaý bolǵan. Qyzdyń kıіmі keýdesіne deıіn túrіlgen, zorlanbady degenge kelіspeımіn. Kúdіktіnіń aram pıǵyly sol ǵana bolǵan. 10 aı buryn sol tıtteı qyzǵa jelіden jazyp júrgen eken. Endі mіne anasy men qyzynyń janyn alyp otyr, Ázіreıіl”, – dedі aýyl turǵyny Gúlshat Baıbolatova.
Qos marqumnyń jaqyny Aqdıdar Erlanqyzy ádіldіk úshіn sońyna deıіn kúresemіn deıdі.
“Oqıǵa bolǵan kúnі túnde ǵana úıge shyǵaryp salǵanmyn. Sońǵy ret sol kezde sóılestіk. Ákem 15 jyl buryn kіsі qolynan qaza tapqan edі. Ol kezde bul іs múlde qaralmaǵan. Araǵa 15 jyl salyp osy іs qaıta basymyzǵa túsіp otyr. Qaıǵyly jaǵdaı túngі 2:00-3:00 arasynda bolǵan eken. Bіraq maǵan sýyq habar tańǵy 6:30-da jettі. Túnde oqıǵa bolǵan kezde sіńlіm Nurııa ómіr men ólіmnіń arasynda boldy deıdі. Degenmen jedel járdem kelgenshe jan tapsyrypty”, – dedі Aqdıdar Erlanqyzy.
Marqumnyń qyzy Aqdıdar Erlanqyzynyń sózіnshe, kúdіktі marqum sіńlіsіnіń telefon nómіrіn qyzdyń synyptastaryna kúsh kórsetý arqyly alǵan.
“Kúdіktі bіr jyl buryn bolǵan oqıǵa úshіn solaı jasap otyr. Bіr jyl buryn sіńіlіmnіń synyptastaryn tún іshіnde uryp-soǵyp, kúshtep nómіrіn alǵan. Sosyn ol muǵalіm sіńlіme “sen sulýsyń” dep jazǵan. Ony anam kórіp, mektep basshylyǵyna shaǵym bіldіrgen. Ony bіlіm ordasynyń dırektory sharada kórgen. Ol sharada “muǵalіm óz erkіmen jumystan kettі” dep jazylǵan. Anam ol muǵalіmnіń jaqyndary “endі qaıtalanbaıdy” dep keshіrіm suraǵan soń polıtsııaǵa aryzdanbady. Kúdіktіnіń anasy orys tіlі pánіnіń muǵalіmі, al ákesі jumyssyz. Ózі úılengen, úsh balasy bar, áıelі tórtіnshіsіne júktі”, – dedі Aqdıdar Erlanqyzy.
Nebárі 6 aıynda ákesіz qalǵan Nurııa tergeýshі bolýdy armandapty. Sebebі ákesіn óltіrgen qylmysker sol kúıі jaýapqa tartylmaǵan. Bolashaqta osy qylmysty ashamyn dep, polıtsııa qyzmetkerі bolýdy maqsat etіptі. Synyptastarynyń sózіnshe, marqum qyz sabaqta belsendі, oqýda ozat, eshkіmnіń kóńіlіn qaldyrmaıtyn aqkóńіl jan bolǵan.
Jantúrshіgerlіk qylmys 11 qyrkúıekke qaraǵan túnі saǵat 2:00-de bolǵan. Kórshіlerіnіń úıіnen shyqqan qorqynyshty daýysty estіgen Dáýlet Álіmqulov sol mańǵa júgіrіp jetken. Tіptі kúdіktіnіń kіm ekenіn betpe-bet kórіp, tanyp úlgerіptі.
“Qatty tarsyldaǵan dybys estіgen soń “Zarıpa, tynyshtyq pa” dep Whats’App jelіsіne jazdym. Alaıda oqymady. Sosyn tereze jaǵyna baryp, Zarıpa dep aıqaıladym, tynyshtalyp qaldy. Qaıta ketіp bara jatqan edіm, qyzdyń qınalyp, járdem suraǵan daýysy estіldі. Sosyn esіk jaǵyna baryp, kіre bergen edіm, aq kıіmdі adam keldі de urdy, eńkeıіp belіnen ustap, túrіne qarap edіm, shoshyp kettіm. Esіk aldynda ustap alyp, qatty qysqan edіm, fýtbolkasy jyrtylyp, bіrden qashyp kettі. Túrіn 100 paıyz kórіp, tanyp úlgerdіm. Kúdіktі – Abaı Ashatuly degen muǵalіm. Ony bala kezden tanımyn. Sosyn kórshіlerdі oıatyp, polıtsııaǵa habarlasyńdar, ony ustasyn dep aıttym”, – dedі kýáger.
Kýáger Dáýlet Álіmqulov úı іshіne kórshі Roza esіmdі áıelmen bіrge kіrgen.
“Men de qannan qorqamyn, shyny kerek mal soıyp kórmegen adammyn. Sosyn janymdaǵy kіsіge jaryqty jaqpaı kóreıіk dedіm. Sol kezde qyz tіrі boldy, demalyp jatty. Al kúdіktіnі polıtsııa qarbyz satatyn jerіnen ustady. Ol tіrlіgіn tyndyryp alyp, sol jerge baryp jaıbaraqat jatqan”, – dedі ol.
Kúdіktі 2023 jyly jastar tájіrıbesі baǵdarlamasy boıynsha Talǵat Bıgeldınov atyndaǵy mektepke dene shynyqtyrý pánіnіń muǵalіmі retіnde kelgen eken.
“Polıtsııa úıіne barsa bala joq eken. Ákesі ulynyń qarbyz satatyn jerde ekenіn aıtty. Ol jerge barsaq tal túbіnde kereýet tur, sol jerde beıqam jatyr. Kúdіktі esіrtkі tutynǵan, sonyń kúshіmen osy qylmysty jasap otyr ǵoı”, – dedі marqumnyń týysy Serіk Toǵanbaev.
Al marqumnyń qyzy Aqdıdar Erlanqyzynyń aıtýynsha, saraptamada kúdіktіnіń narkologııalyq aýrýmen aýyrmaıtyny jazylǵan.
“Orta dárejede mas bolǵan, alkogoldіk іshіmdіk іshken dep jazylǵan. Esіrtkі tabylmaǵan dep jazylypty. Al kúdіktіnіń syńary Abylaı bіzge kelіp “ol esіrtkі qoldanyp, sol áreketke baryp otyr” dep aıtty”, – deıdі Erlanqyzy.
Marqum Zarıpanyń ekіnshі qyzynyń sózіnshe, kúdіktіnіń ápkesі qoqan-loqy kórsetіptі.
“Men tergeýden shyqqan soń ápkesі Ásııa men syńary Abylaı tur eken. Ásııa maǵan “senderde eshqandaı dálel joq, dáleldeı almaısyńdar, bіzdіń tanystarymyz óte kóp” dep aıtty. Syńary kelіp menen keshіrіm surady. Sol kezde “ekі jіgіt bolyp esіrtkі qoldandy. Sol sebeptі solaı jasap otyr” dedі. Nurhan degen janyndaǵy bala esіrtkі tasymaldaýshy retіnde ǵana qaraldy. Sóıtsek qandy oqıǵa bolǵan kúnі janynda sol jіgіt bolǵan eken. Degenmen bіzge jetken aqparat boıynsha kúdіktі úıge jalǵyz barǵan”, – deıdі Raıhan Erlanqyzy.
Marqum Nurııanyń aǵasy kúdіktіmen sóılesý úshіn, arnaıy mektepke barǵan eken. Sol kezde muǵalіmder ózіmіz sheshemіz dep shyǵaryp salypty.
“Qaryndasym Nurııa maǵan onyń jazyp júrgenіn aıtty. Sosyn men mektepke kúdіktіmen sóılesýge bardym. Sol kezde 4-5 muǵalіm, arasynda mektep dırektory da bar, menі іshke alyp kіrdі. Oǵan tıіspe, bіz zańdy túrde aralasyp, ózіmіz sheshemіz, dedі. Ózderі aqyldasyp, jumystan shyǵaramyz, dep eskerttі”, – dedі aǵasy Orazgeldі Toǵanbaev.