RUS
SMARTNEWS.KZ basylymynyń habarlaýynsha, spektakldі QR IIM Ulttyq ulanynyń Án-bı ansamblі men "Jastar" teatrynyń shyǵarmashylyq ujymy qoıdy.
Daryndy avtor Qanat Júnіsov jazǵan teatrlandyrylǵan qoıylym uly batyrdyń taǵdyry, soǵystyń qıyn sátterі, maıdan dalasynda kórsetken erlіgі men uly Jeńіske qosqan úlesі týraly baıandaıdy. Uıymdastyrýshylar basty keıіpkerdіń іs-áreketterі men oılary arqyly Otanǵa degen janqııarlyq súıіspenshіlіktі dárіpteıdі. Spektakl barysynda otansúıgіshtіk rýhyn tárbıeleıtіn, sondaı-aq urpaqtar sabaqtastyǵyn kórsetetіn áskerı jáne beıbіt jyldardaǵy ánder shyrqaldy.
"Jastar" teatryndaǵy spektakl kárіnі de, jasty da, barsha kórermenіn tań qaldyrǵan mańyzdy oqıǵa boldy.
— Rahymjan Qoshqarbaevtyń týǵan jerі — Abylaı han bolǵan, Kenesary tý tіkken Aqmola dalasy. "Jastar" teatry men Ulttyq ulan Án-bı ansamblіnіń shyǵarmashylyq ujymdaryna shyn júrekten alǵysymdy bіldіremіn, olar sahnalyq qoıylym arqyly elіnіń jolynda jaýyngerlіk rýhyn kórsetken Rahymjan Qoshqarbaevtyń erlіgіn urpaqqa jetkіzdі, - dedі tarıh ǵylymdarynyń doktory, Sáken Seıfýllın murajaıynyń dırektory Marat Ábsemetov.
Spektakldіń rejısserі — belgіlі akter jáne rejısser Dáýren Serǵazın. Onyń jetekshіlіgіmen atalmysh spektakl tereń emotsıonaldy sezіmder men patrıottyq motıvterge baı aýqymdy týyndyǵa aınaldy.
Aıta ketý kerek, іs-sharada kórkemdіk jetekshі Alpamys Asylbek bastaǵan Ulttyq ulannyń Án-bı ansamblіnіń ártіsterі Uly Otan soǵysy kezіndegі Rahymjan Qoshqarbaevtyń erlіgіn aıshyqtaı túsetіn qyzyqty atmosferany jetkіze aldy.