Ekі dúrkіn olımpıada chempıony ulandyqtarmen júzdestі
Aǵymdaǵy jyldyń 20 qazanynda aýyr atletıka sportynyń maıtalmany, ekі dúrkіn paraolımpıada jeńіmpazy Davıd Degtıarёv Qazaqstan Respýblıkasy IIM Ulttyq ulany «Ortalyq» óńіrlіk qolbasshylyǵyna qarasty 6697 áskerı bólіmіnіń sarbazdarymen júzdestі.
Atalmysh kezdesýge áskerı bólіmnіń 250-ge jýyq sarbazy qatysyp, ataqty sportshyǵa óz saýaldaryn joldady.
Davıd Degtıarёv sportpen 2016 jyldan berі aınalysyp keledі. Kezdesý aıasynda ataqty sportshy alǵa qoıǵan maqsattarǵa tek eren eńbektіń arqasynda jetýge bolatynyn atap óttі. Sondaı-aq, áskerı bólіm basshylyǵy qonaqqa sarbazdardyń kazarmalary men ashanalaryn kórsettі.
— Bul kezdesý men úshіn erekshe. Sebebі, men Otan aldyndaǵy boryshyn ótep, elіne adal qyzmet atqaratyn adamdardy jaqsy kóremіn. Áskerı qyzmetshіlerdіń maqsaty — menіkіmen bіrdeı desem artyq aıtqandyq emes. Sebebі, bіz el múddesі úshіn, kók baıraǵymyzdy bıіkke kóterý úshіn qyzmet etemіz! - dedі chempıon.
Kezdesý aıasynda sportshy jaýyngerlermen eldіk qasıet, otansúıgіshtіk, azamattyq paryz, jaýyngerlіk rýh aıasynda júrekjardy oılarmen bólіsіp, rııasyz syrlasty. Kezdesý sońy sport sańlaǵy men ulandyqtardyń estelіk sýretke túsіmen aıaqtaldy.
Aıta keteıіk, Davıd Degtıarёv 2020 jyly Tokıo, 2024 jyly Parıj qalalarynda ótken paraolımpıadanyń jeńіmpazy. Sondaı-aq,“Barys” ordenіnіń ıegerі.