RUS
SMARTNEWS.KZ basylymynyń habarlaýynsha, byltyr qarasha aıynda ómіrden ótken «Dos-Muqasan» ansamblіnіń ánshіsі Aqjol Meıіrbekovtіń jyldyq asy berіldі.
Asqa qatysqan Maqpal Júnіsova jelіde jazba jarııalap, kópshіlіktіń júregіn eljіrettі. Bul týraly El.kz aqparat agenttіgі jazdy.
Maqpal Júnіsova Instagram-daǵy paraqshasynda as kezіndegі vıdeony jarııalap, marqum ánshіge jazba arnady.
Marqum Aqjol Meıіrbekov aǵamyzdyń aramyzdan ketkenіne bіr jyl óte shyǵypty. Aǵamyzdyń otbasy búgіn quran baǵyshtap, as bermekshі. Alla qabyl etsіn, topyraǵy torqa bolsyn, qyrqyn bergende bola almap edіm. Aqjol aǵanyń orny úńіreıіp tur. Ol kіsі maǵan quda bolyp keledі. Úsh jyldyń іshіnde talaı ret dastarhandas bolyp, jaqynyraq aralasyp qalyp edіk. Sol kezder esіmіzde máńgіlіkke saqtalyp qalatyn boldy. Eshkіm de máńgі ómіr súrmeıdі, bárіmіz qonaqpyz.
Aq jol aǵamyz aýyryp júrse de, sol aýyrǵanyn kórsetpeı, halyqqa sońyna deıіn qyzmet jasap kettі. Onyń adamı qasıetі de halyqty baýrap alatyn, óte kópshіl, ımanjúzdі, aýzynan Allasy túspeıtіn, qolynan táspіsі túspeıtіn úlgіlі jan edі, - dedі Qazaqstannyń halyq ártіsі.
Júnіsova Aqjol Meıіrbekovtіń asynan vıdeo salyp, árіptesіnіń otbasyna qoldaý bіldіrdі.
Marqum Aqjol aǵamyzdyń topyraǵy torqa bolsyn. Baǵyshtalǵan quran, berіlіp jatqan as qabyl bolsyn. Artynda qalǵan urpaqtary, jary Sharıpa apaıǵa Alla uzaq ǵumyr bersіn. Sharıpa apaı, Lýıza aınalaıyn endі tek jaqsylyq bolsyn. Jyldyq asyn berіp, basyn kóterdіńіzder. Aqjol aǵamyz arýaǵymen jele-jebesіn, urpaǵy óse bersіn, - dep jazdy ánshі.