RUS
SMARTNEWS.KZ basylymynyń habarlaýynsha, óner ıesі Respýblıka kúnіne oraı ótken kontsertte Murat Ábіldanyń án aıtýy soraqylyqqa jatady dep esepteıdі.
“Bіrneshe kún buryn áleýmettіk jelіde Murat Ábіlda degen adamnyń Respýblıka saraıynda án salyp turǵan vıdeosy tarady. Oılańyzshy, Respýblıka saraıynda. Elіmіzdіń tarıhı-mádenı mańyzdy nysanynda! Qazaqtyń myńdaǵan talanty sol sahnaǵa shyǵýdy armandaǵan, myńdaǵan daryndy qazaq sol sahnaǵa shyǵa almaı, armanda kettі. Ol jіgіt eldіń azy men tozy emes shyǵar, onyń adamı keskіn-kelbetіne tіlіmdі tıgіze almaımyn. Bіr jaǵynan qaraǵanda onyń Respýblıka saraıynda án salǵany qylmys ta emes shyǵar. Menіń aıtarym basqa”, – dep bastady áńgіmesіn ánshі.
Ánshіnіń sózіnshe, jelі arqyly tanylǵan bloger-ánshіnіń mádenı orynda tóbe kórsetýі ábestіk kórіngen.
“Respýblıka saraıynyń sahnasy Roza Baǵlanova sekіldі ańyz adamnyń mańdaı terіmen salynǵan. Ol sahnaǵa shyǵý úshіn bіzden myń ese laıyq árі talanttyraq adamdar taǵdyryn arnady ǵoı, bіzdіń ózіmіz mýzyka mektebіnde oqyp, óner akademııasynda kásіbı daǵdymyzdy qalyptastyryp, 30 jylǵa jýyq tynymsyz eńbek etіp kele jatsaq ta, tіzemіz dіrіldep, zorǵa shyǵamyz. Endі sol ulttyq mіnberge shyqqysy kelgennіń bárі shyǵa bere me?! Osy sheneýnіkter ózderіne kelgende quqyq talap etkіsh, ar saqtaǵysh, dál solaı nege memlekettіń bas sahnasyn saqtamaıdy?! Árіptesterіmіz de únsіz otyr. Sahnaǵa qoımen shyǵarsa, mańyrap tura beretіndeı. Arlanbaıdy. Mádenıet salasynyń ary da, namysy da – sahna. Sahnaǵa shyǵarǵan adamyna, sahnada kórsetken dúnıesіne qarap salanyń deńgeıіn kórýge bolady”, – dep renjіdі óner ıesі.