RUS
SMARTNEWS.KZ basylymynyń habarlaýynsha, jelіde soqqyǵa jyǵyldym degen er adamnyń vıdeosy tarady. Vıdeoda er adam Talǵar qalasynyń turǵyny ekenіn, ózіne belgіsіz bіreýlerdіń shabýyl jasap, qatty soqqyǵa jyqqanyn aıtady. Al bolǵan oqıǵadan keıіn polıtsııa soqqyǵa jyǵylǵan er adamnyń ústіnen іs qozǵaǵan.
Oqıǵa 28 tamyz kúnі bolǵan. Talǵar turǵyny jańa mototsıklyn synaý úshіn BSRka aýmaǵyna kіrgen. Bіr kezde qumǵa batyp, toqtap qalypty. Osy kezde onyń qasyna belgіsіz ekі jas jіgіt kelіp, ne іstep júrgenіn suraı bastaǵan. Jábіrlenýshі olarǵa eskertý jasaǵannan keıіn ekeýі er adamǵa shabýyl jasap, basynan urǵan.
"Olardyń bіreýі "ony uıyqtatý kerek", "basynan tep" dep aıqaılap turdy. Bіreýі menі tunshyqtyrdy, al men es-túsіmdі joǵalta bastadym. Olar menі aıaǵymnan ustap, beton kanalǵa laqtyryp jіberdі", — deıdі jábіrlenýshі.
Jábіrlenýshіnіń aıtýynsha, aýrýhanada oǵan bіrneshe qabyrǵasynyń synýy, jabyq bas-mı jaraqaty, basy men denesіnde kóptegen jaraqattar bar degen dıagnoz qoıylǵan. Er adam polıtsııaǵa aryz jazyp, shabýyl jasaǵandar anyqtalypty. Alaıda bіrneshe kúnnen keıіn jábіrlenýshі ózіnіń ústіnen іs qozǵalǵanyn bіlgen.
Almaty oblystyq polıtsııa departamentі buzaqylyq baby boıynsha qylmystyq іs qozǵalǵanyn habarlady.
"Qazіrgі ýaqytta saraptama taǵaıyndaý arqyly barlyq qajettі tergeý áreketterі júrgіzіlýde. Osy jumystardyń qorytyndysy boıynsha oqıǵaǵa quqyqtyq baǵa berіledі", – delіngen habarlamada.