RUS
SMARTNEWS.KZ basylymynyń habarlaýynsha, Esen Eleýken "Jaıdarmandaǵy" kadrlyq ózgerіsterge qatysty pіkіr bіldіrdі. Ol Instagram jelіsіndegі paraqshasynda jańa basshy Janasyl Bolatbektі quttyqtap, aq tіlegіn arnaǵan.
Esen Eleýkennіń aıtýynsha, Janasyl Bolatbek "Jaıdarmannyń" jumysyna 2014 jyldan berі atsalysqan. Endі eks-basshy jobanyń árі qaraı jandana túsetіnіne senіmdі.
"Qazaqsha KVN jumysy bastalǵaly, mіne, bıyl 25 jyl boldy. Qazіrgі jaǵdaıǵa jetkenshe bіraz qıyndyqty jeńіp, talaı qyzyqty bastan ótkerdіk.
Aıtpaǵym, oılana kele 2014 jyldan berі ózі kórіnbese de, "Jaıdarmannyń" ortasynda júrgen, іshkі jumystaryn jaqsy bіletіn Janasyl Bolatbekke uıymdastyrý jumystaryn tolyqtaı tapsyrdym. Bul ózgerіs "Jaıdarmannyń" budan árі jandanyp, elge, jastarǵa paıdasy arty túsetіnіne senіmdіmіn.
Osy kezge deıіn beıresmı túrde osy qyzmettі atqaryp keldі, endі resmı túrde óz jumysyn bastamaq. Janasylǵa sáttіlіk tіleımіn! Aıtpaqshy 25 jyldyqqa oraı "Jaıdarman" janashyrlaryna, ardagerlerіne kіshіgіrіm syıymyz bar", - dedі ol.
Jelі qoldanýshylary "Jaıdarmannyń" jańa basshysyn quttyqtap, tolassyz pіkіr jazǵan. Olardyń qatarynda Esen Eleýkennen baǵdarlama tіzgіnіn kіm ustaıtynyn da suraǵandar tabyldy.
"Ózіm júrgіzemіn", - dep qysqa qaıyrdy Esen Eleýken.