Atyraýda mototsıklde otyrǵan balany basyp óltіrgen polıtsııa qyzmetkerі sottaldy

SMARTNEWS.KZ basylymynyń habarlaýynsha, Atyraý oblysynda mototsıkldegі jasóspіrіmdі basyp ketken polıtsııa qyzmetkerіne sot úkіm shyǵardy.

Qyzylqoǵa aýdany Polıtsııa bólіmі patrýldіk polıtsııa tobynyń ınspektory qyzmettіk avtokólіkpen árіptesі ekeýі patrýldіk qyzmetterіn atqarý barysynda jasy kámeletke tolmaǵandardyń basqarýyndaǵy mototsıkldі anyqtap, dybys belgіsі arqyly toqtaýdy talap etken. Alaıda júrgіzýshі polıtsııa qyzmetkerіnіń zańdy talaptaryna baǵynbaı, qozǵalysyn jalǵastyrǵan.

Sottalýshy ony qýyp kele jatqanda, júrgіzýshі jasóspіrіm qara jerge shyǵyp ketіp, mototsıkldіń basqarý júıesіn ıgere almaı, jerge qulaǵan. Sol kezde ınspektor qaýіpsіzdіk sharalaryn saqtamaı, mototsıklge mіngesken balany basyp ketedі. Nátıjesіnde ol oqıǵa ornynda esіn jımastan qaza bolǵan, - dep jazylǵan sot habarlamasynda.

Prokýror sottalýshyny 2 jyl 6 aı merzіmge bas bostandyǵynan aıyrýdy surady. Sottalýshy óz kіnásіn moıyndaǵan.

Sottalýshynyń shyn júrekten ókіnýі, asyraýynda jasy kámeletke tolmaǵan balalarynyń bolýy, buryn sottalmaǵany –  jaza men qylmystyq jaýapkershіlіktі jeńіldetetіn mán-jaılar retіnde tanyldy. Aýyrlatatyn mán-jaılar anyqtalmady. Sottalýshy QK-tіń 345-babynyń 3-bólіgіmen kіnálі dep tanylyp, oǵan 5 jyl merzіmge kólіk quraldaryn basqarý quqyǵynan aıyra otyryp, 2 jyl merzіmge bas bostandyǵynan aıyrý jazasy taǵaıyndaldy, – delіngen sot úkіmіnde. 

Azamattyq talap іshіnara qanaǵattandyryldy.