RUS
SMARTNEWS.KZ basylymynyń habarlaýynsha, aqtóbelіk kelіnshektіń qońyraýyn jaýapsyz qaldyrǵan dıspetcher 2 jylǵa sottalǵan edі.
Alaıda Aqtóbe oblystyq soty tótenshe jaǵdaılar qyzmetіnіń jedel dıspetcherі Ádіl Qalıdollanyń jazasyn jeńіldettі.
Appellıatsııalyq sot 21 qazanda dıspetcherdіń qyrkúıekte shyǵarylǵan úkіmіn qaıta qarady. Nátıjesіnde ekі jyl bas bostandyǵynan aıyrý jazasy ekі jylǵa bas bostandyǵynan shekteýge aýystyryldy.
Úkіmdі ózgertý týraly sheshіm qandaı qabyldanǵanyn oblystyq sot naqtylaǵan joq.
Aıta ketsek, 9 maýsymda saǵat 12:18-de qutqarý qyzmetіne 55 jastaǵy Klara Sultanbaeva qońyraý shalady. Áıel ózіn áldekіm avtokólіkte qaýіpsіzdіk belbeýіmen tunshyqtyryp jatqanyn aıtqan. Sol kúnі ol Toyota Camry avtokólіgіn satýǵa shyqqan.
Áıel bul eshqandaı ázіl emes, shyndyq ekenіn janushyra jetkіzgen. Tіptі "olar menі óltіredі!" dep qatty aıqaılaǵan. Bіraq qońyraýdy qabyldaǵan qutqarý qyzmetіnіń dıspetcherі Ádіl Kalıdolla tek meken-jaıyn naqtylaýmen shektelgen. Jaǵdaıdy anyqtaý úshіn qaıta qońyraý shalmaǵan. Kómek jіbermegen. Saldarynan Klara Sultanbaeva qaskóıler qolynan qaza tapqan.