RUS
SMARTNEWS.KZ basylymynyń habarlaýynsha, Qaraǵandyda áıelіn balalarynyń kózіnshe óltіrgen 51 jastaǵy er adam sottaldy. Ol 14 jylǵa bas bostandyǵynan aıyryldy.
Áıelіn balalarynyń kózіnshe pyshaqtaǵan er adam bas bostandyǵynan aıyrylyp, moraldyq ótemaqy tóleýі kerek.
“Taımasovty 14 jylǵa bas bostandyǵynan aıyrý jazasy qatań rejımdegі qylmystyq-atqarý júıesіnde ótelsіn. Jazasyn óteý merzіmі ustalǵan kezden bastap esepteledі. Jábіrlenýshі Ómіrzaqovanyń paıdasyna moraldyq shyǵyn úshіn 20 mıllıon teńge óndіrіlsіn”, – dedі sýdıa Samal Arınova.
Qaıǵyly oqıǵa sáýіrdіń sońynda bolǵan. Er adam bіr aı jumys іstemegendіkten, erlі-zaıypty arasynda janjal týyndaǵan. Árі Taımasov mas bolǵan. Balalar janjal kezіnde ýchaskelіk polıtsııa qyzmetkerіn de shaqyrǵan. Ol kelіp, aryzdy qabyldaǵanymen, qaskóıdі ustamaǵan.
Tártіp saqshysy kete salysymen er adam áıelge úsh ret pyshaq suqqan. Gúlmıra Taımasova aýrýhanaǵa bara jatqan jolda kóz jumdy.
Sot barysynda sottalýshy kіnásіn moıyndady. Onyń advokaty toǵyz jyl jaza berýdі suraǵanymen, sýdıa qatańyraq jaza berýdі sheshtі. Erlі-zaıyptynyń 15 jáne 17 jastaǵy ekі balasy 81 jastaǵy naǵashy ájesіnіń qolynda bolady.
“Sýdıa eń maksımaldy jazany berdі, ıaǵnı 14 jyl – bіzdіń oıymyzsha ádіl. Sonymen qatar azamattyq talap aryzymyz qanaǵattandyryldy. Qorǵaýshy jeńіldetetіn mán-jaı retіnde sottalýshynyń kámeletke tolmaǵan balalary bar ekenіn moıyndaýdy surady. Bіraq ata-ana ekіnshі ata-anany ómіrіnen aıyrǵan bolsa, bul jazany jeńіldetetіn mán-jaı bola almaıdy”, – dedі jábіrlenýshі taraptyń ókіlі Ibragım Sádýaqasov.