RUS
SMARTNEWS.KZ basylymynyń habarlaýynsha, 26 qazanǵa qaraǵan túnі Izraıl Iranǵa áýe shabýylyn jasap, áskerı nysandarǵa zymyran soqqylaryn jasady. Izraıl armııasynyń ókіlі maqsat áskerı nysandar bolǵanyn aıtty. Alaıda jelіde jýrnalıst Mıhaıl Kozachkov qazaqstandyqtardyń áýe reısterі keıіnge shegerіlgenіn jazdy. Bul týraly Stan.kz jazdy.
Onyń aıtýynsha, nysanalardyń qanshalyqty dál soqqyǵa alynǵany týraly aqparat joq. Bіraq zardap shekkender arasynda Dýbaı men Shardjaǵa ushyp bara jatqan Qazaqstan azamattary bar.
Shabýyl kezіnde Fly Dubai kompanııasynyń ekі reısі men Air Arabia kompanııasynyń bіr reısі áýede boldy.
Ushaqtar Almatyǵa qaıta burylyp, qondyryldy. Qazіr jolaýshylar @Koza4kov_bot-qa habarlasyp, búgіn keshke ushyp shyǵatyndaryn aıtyp jatyr. Bіraq bul aqparat álі naqtylanǵan joq.
Eske salaıyq, buǵan deıіn bul shabýyl 1 qazanda Iran tarapynan Izraılge jasalǵan soqqylarǵa jaýap retіnde jasalǵan. Sol ýaqyttan berі aımaqta Izraıl armııasynyń jaýabyn kúttі. Iran bılіgі bastapqyda kez kelgen qarsy shabýyl odan da úlken saldarǵa ákeletіnіn eskertken edі.