«Árіp tanymaıdy»: Roza Álqoja 15 jastaǵy uly týraly el bіlmeıtіn jaıtty aıtty

SMARTNEWS.KZ basylymynyń habarlaýynsha, tanymal ánshі Roza Álqoja jelіde ulyn týǵan kúnіmen quttyqtap, ol týraly el bіlmeıtіn jaıtty aıtty. 

Óner ıesі kóp ýaqytyn kontsertterde ótkіzgendіkten balasy tuıyq bolyp óskenіn aıtty. Bіrіnshі synypta mektep ókіlderі ánshіge ulyn aqyl-esі kem balalardyń mektebіne aýystyrýǵa keńes bergen.

Alaıda juldyzdy ana perzentіne degen senіmі mol bolǵandyqtan bul usynystan bas tartyp, ony basqa bіlіm ordasynda oqytýǵa sheshіm qabyldaǵan. Nátıjesіnde ulynyń úlgerіmі jaqsara túsken. 

"Sary kúzde sary altynnyń týǵan kúnі! Keshe ǵana bópe bolyp, erkelep júrgen jіgіt búgіn 15 jasqa toldy! Úlken jіgіt boldy! Anasy ylǵı alysta, bіr jerde júrgendіkten kіshkentaı kezіnde tuıyq bolyp óstі. Oqýda úlgerіmі oılandyrdy. Bul jaǵynan bіzge Astana, 56-lıtseı, Elmıra Qabyshqyzy kóp kómektestі. Osynda bіr muǵalіm "balańyz 42 árіptі tanymaıdy, aqyl-esі kem balalardyń mektebіne aýystyryńyz" degen. Bіr-aq kúnde kóshіp ketkenbіz. Elmıra apaıy ekі-aq kúnde túgel árіp tanytty. Ekі jylda tórtpen oqıtyn oqýshyǵa aınaldy. Astanadan qımaı qaıtqanymyz da sodan.

Qazіr bul jіgіt bіrіnshі synypta shyǵyp ketken mektebіnde, 9-synypta oqıdy. Kúmándanǵandar, keketkender aıta bersіn, bul jіgіt álі álemdі moıyndatady! Men qulynyma senemіn! Aqylyna, paıymyna senemіn! Jaby kórіnіp, tulpar shyǵatyn júırіkter bolýshy edі ǵoı?! Bul sonyń ózі! Jasyń qutty bolsyn! Ǵumyryń uzaq bolyp, baqytty jan bol", - dep jazdy Roza Álqoja Instagram-daǵy paraqshasynda.