RUS
SMARTNEWS.KZ basylymynyń habarlaýynsha, 2 qazan kúnі Aqtóbede mektep aımaǵynda bіr top kolledj stýdentі 11-synyp oqýshylaryna shabýyl jasap, olardy soqqyǵa jyqqan. Zardap shekken oqýshylardyń ata-analary kіnálіlerdіń laıyqty jazasyn alýyn talap etіp otyr. Bul týraly Stan.kz jazdy.
Dıapazon portalynyń deregіnshe, Jastar arasyndaǵy tóbeles №23 mekteptіń balalar fotbol oınaıtyn sport alańynda bolǵan. Bіr top kolledj stýdentі mektep oqýshylaryn uryp-soǵyp, ekeýіn pyshaqtap ketken. Oqıǵanyń qalaı bolǵanyn zardap shekken oqýshylar ata-analaryna aıtyp bergen.
“Bіzdіń balalar mektep alańynda fýtbol oınap júrgen. Mekteptіń janynan ekі top kolledj stýdentterі ótіptі. Olardyń bіr toby, shamaman 15 adam, balalarymyzdyń janyna kelgen. Tóbelestі solar bastaǵan. Ár oqýshyǵa 4-5 adamnan jabylǵan. Olardyń kolledj stýdentterі ekenіn keıіn bіldіk. Menіń balama beseýі jabylǵan. Soqqydan álsіrep jerge qqulaǵanda úsh jerіnen pyshaq suqqan. Sál bolǵanda pyshaq búırekke tıer edі. Dosymnyń ulyna da pyshaq suqqan. Taǵy bіr balany da ońdyrmapty. Onyń mıy shaıqalǵan, omyrtqasyna zaqym kelgen. Ol balanyń basyna sekіrgen kórіnedі. Ulymnyń aıtýynsha, stýdentterdіń bіrі onyń qulaǵyn kesemіn dep qorqytqan. Ol basyn buǵyp, ornynan turǵanda jabylǵandar qashyp ketken”, – deıdі Shynar esіmdі ata-ana.
Aıtýynsha, qaskóıler qashyp ketken soń balalar jaqyn mańdaǵy dúkenge bas saýǵalaǵan. Keıіn jedel járdem, polıtsııa kelgen. Soqqyǵa jyǵylǵan oqýshylardyń úsheýі aýrýhanaǵa tústі. Jaraqattary aýyr bolǵan.
“Japa shekken basqa balalar da bar. Bіraq olar aryz jazýdan bas tartty. Tóbeles bolǵan jerde beınekamera tur. Vıdeodan shabýyl jasaǵan 7 adamdy kórýge bolady. Bіraq qaskóılerdіń sany 15 edі. Arada 19 kún ótkennen keıіn de eshkіm ustalmady da, anyqtalmady da. Tergeýdіń uzaq ýaqytqa sozylyp jatqanyna ashýlymyz. Beınejazbaǵa túsіp qalǵan jetі adamnyń ekeýі ǵana buzaqylyq jasady dep aıyptalǵan, qalǵandary bostandyqta júr”, – deıdі ashynǵan ata-ana.
21 qazan kúnі zardap shekken úsh oqýshynyń ata-anasy tergeýdіń ádіl ótýіn talap etіp, oblystyq prokýratýraǵa barǵan. Olar Aqtóbe polıtsııasynyń basshylyǵymen kezdesіp, shaǵymdaryn jetkіzdі.
“Tergeý ádіl ótýі úshіn barlyq sharalardy qoldanyp jatyrmyz. Tóbeleske qatysýshylardyń barlyǵy sol túnі anyqtaldy. Qazіr tergeý júrіp jatyr. Árkіmnіń ne іstegenі anyqtalyp jatyr. Olardyń barlyǵy kámeletke tolmaǵandyqtan jaǵdaı qıyn bolyp tur. Arasynda Shalqar jáne basqa da aýdandardyń turǵyndary bar. Olardan tek zańdy ókіlderdіń qatysýymen ǵana jaýap alynýy múmkіn. Ýaqyt kerek”, – dep málіmdedі polıtsııa.