RUS
SMARTNEWS.KZ basylymynyń habarlaýynsha, Almaty qalalyq Polıtsııa departamentі bokstan álem chempıony Janqosh Turarovqa qatysty daý týraly málіmdeme jasady.
Esterіńіzde bolsa, 21 tamyzda 1996 jyly týǵan boıjetken Almatynyń Áýezov aýdandyq polıtsııasyna Turarovtyń ózіn zorlaǵany týraly shaǵymmen kelgen. Kóp uzamaı polıtsııa qylmystyq іs qozǵalǵanyn alǵa tartqanymen, boksshynyń ózі bul sózderdі joqqa shyǵardy.
Osy oraıda tіlshіler taǵylǵan aıypqa ekі aıdan assa da Janqosh Turarovtyń nelіkten bostandyqta júrgenіn suraǵan.
Is júrgіzý aıasynda sot-medıtsınalyq jáne sot-bıologııalyq saraptamalar júrgіzіldі, olardyń nátıjelerі boıynsha zorlaý faktіsі rastalǵan joq. 20 qazanda Qazaqstan Respýblıkasy Qylmystyq-protsestіk kodeksіnіń 35-baby 1-bólіgі 2-tarmaǵynyń negіzіnde sotqa deıіngі tergep-tekserýdі toqtatý týraly túpkіlіktі sheshіm qabyldandy.
Qabyldanǵan sheshіmmen Áýezov aýdanynyń prokýratýrasy kelіstі, - delіngen polıtsııa jaýabynda.
Aıta keteıіk, buǵan deıіn Ánarý Qaldybekqyzy esіmdі arý "Janqosh Turarov zorlady" dep polıtsııaǵa shaǵymdanǵan edі. Al Janqosh Turarov pen onyń advokaty alǵashqy kúnnen bastap-aq bul aqparatty joqqa shyǵardy.