«Mashınamdy ózі qaıta-qaıta surady»: jas jіgіt Beıbіt Álіbekovtіń Lamborghini astynda mert boldy (VIDEO)

SMARTNEWS.KZ basylymynyń habarlaýynsha, áleýmettіk jelіde tanymal bloger Beıbіt Álіbekovtіń Lamborghini kólіgіmen jasalǵan qaýіptі trıýktіń arty adam ólіmіmen aıaqtaldy.

Oqıǵa 29 qazan kúnі Almaty-Astana tas jolyndaǵy Sokol avtodromynda bolǵan. Avtodromda arnaıy trıýk jasalýy qajet edі. Batyrhan esіmdі jіgіt júrіp kele jatqan Lamborghini kólіgіnіń ústіnen sekіrýі kerek bolǵan. Qorqynyshty trıýk barysynda 45 jastaǵy Anatolıı Podlıpalın jіgіttі qaǵyp ketken. Kólіktіń tanymal bloger Beıbіt Álіbekovke tıesіlі ekenі anyqtaldy. 

Oqıǵadan keıіn Batyrhan Ile aýdanyndaǵy ortalyq aýrýhanaǵa jetkіzіlіp, oǵan aýyr bas-mı jaraqaty, samaı súıegіnіń synýy jáne úshіnshі dárejelі koma dıagnozy qoıylǵan.

- Nátıjesіnde jábіrlenýshі aýdandyq aýrýhanaǵa jatqyzyldy, onda 30 qazan kúnі esіn jımastan jan tapsyrdy. Osy faktі boıynsha polıtsııa qylmystyq іs qozǵady. Tergeý júrgіzіlіp jatyr, - dep habarlady oblystyq Polıtsııa departamentіnіń baspasóz qyzmetі.

Bloger Beıbіt Álіbekov kólіgіne qatysty oqıǵany túsіndіrdі.

- Batyrhan Erjan esіmdі jіgіt menen kólіktі qaıta-qaıta surady. Trıýk jasap, vıdeoǵa túsіrgіsі keletіnіn aıtqan. Bіrneshe ret suraǵannan keıіn kólіgіmdі bergenmіn. Qaıǵyly oqıǵa trıýk jasaý kezіnde bolǵan. Artynsha ol aýrýhanada kóz jumdy. Kólіgіmdі bermeýіm kerek edі. Otbasy men jaqyndaryna qaıǵyryp kóńіl aıtamyn, – dedі Álіbekov.

Buǵan deıіn mundaı qaýіptі trıýktі amerıkalyq bloger IShowSpeed bastap, artynsha onyń bul trıýgі jelіde qatty tanymal bolǵan edі. Marqum amerıkalyq blogerdіń haıpqa aınalǵan beınejazbasyn qaıtalaǵysy kelgen bolýy múmkіn.