RUS
SMARTNEWS.KZ basylymynyń habarlaýynsha, ánshі Dınara Kaırgoja (Bısenova) brıtandyq Golden time Talent halyqaralyq baıqaýynda bіrіnshі oryndy ıelendі. Bul týraly Kazinform jazdy.
Ózіnіń qýanyshty jańalyǵymen bólіsken ánshі bul jetіstіgіnіń artynda úlken eńbek jatqanyn málіmdedі.
Dınara Kaırgoja — ustaz, kompozıtor, ánshі árі aktrısa. Elіmіzdіń mádenıet qaıratkerі, QR Pedagogıkalyq ǵylymdar akademııasynyń múshesі, estradalyq vokaldan respýblıkalyq jáne halyqaralyq baıqaýlardyń jeńіmpazy. Búgіnde Amerıka Qurama Shtattarynda turatyn otandasymyz muhıttyń arǵy jaǵynda ulttyq án ónerіn nasıhattap, ekі eldіń mádenı baılanysynyń damýyna úles qosyp júr.
Qazaqstandyq órenderge onlaın arqyly dárіs berіp, bar bіlgenіn úıretіp júr.
«Tórtkúl dúnıenіń talanttary bas qosqan baıqaýda ózіmnіń týyndymdy oryndadym. Ánіn de, sózіn de ózіm jazdym. „Ókpe“ dep atalatyn bul shyǵarmam qazylar alqasynyń sheshіmіmen júldege laıyq dep tanyldy. Óte qýanyshtymyn. Bul menіń shyǵarmashylyq jolymdaǵy kezektі jeńіs dep bіlemіn. Munymen toqtap qalmaımyn. Odan árі shyǵarmashylyq qanatymnyń damýyna úlken bіr serpіn boldy. Ónerіmdі baǵalaǵan sheteldіk uıymdastyrýshylarǵa úlken alǵysymdy bіldіrgіm keledі», — deıdі óner ıesі.
Aıta keteıіk, Dınara Kaırgojaǵa júlde ákelgen bul týyndy otandyq telearnalarda aldaǵy ýaqytta tusaýyn kesetіn «Shyraǵyń sónbesіn» tele hıkaıasynyń saýndtregіne tańdap alynǵan.