RUS
2022 jyly prokýratýra jeke sot oryndaýshylary óndіrіp alýshylardyń 1,1 mlrd teńge aqshasyn zańsyz ıelengenіn anyqtady.
«Boryshkerlerden aqsha qarajattary aǵymdaǵy esepshottarǵa túskennen keıіn jeke sot oryndaýshylary olardy qolma-qol aqshamen sheshіp alyp, banktіk depozıtterіne aýdarǵan jáne paıyz alǵan, jubaılaryna aýdarǵan, óz qalaýy boıynsha ıelіk etken. Anyqtalǵan faktіler boıynsha polıtseıler Qylmystyq kodekstіń 251-baby (jeke sot oryndaýshylarynyń ókіlettіkterіn asyra paıdalanýy) boıynsha sotqa deıіngі 16 tergeý bastady. Keıіnnen zalaldyń tolyq ótelýіne baılanysty qylmystyq іster toqtatyldy», - dep atap óttі vedomstvodan agenttіktіń resmı saýalyna oraı.
Osydan keıіn Bas prokýratýra Ádіlet mınıstrіnіń atyna jeke sot oryndaýshylarynyń aǵymdaǵy esepshottaryna baqylaý júıesіn engіzý usynysyn joldady. Júrgіzіlgen tekserýler nátıjesіnde 9 jeke sot oryndaýshysynyń lıtsenzııasynyń qoldanylýy toqtatyldy jáne 55 adam tártіptіk jazaǵa tartyldy.
Astana prokýratýrasy 2023-2024 jyldary sot oryndaýshylarynyń aqsha qarajattaryn ıemdenýіnіń bіrneshe faktіsіn anyqtady. máselen, sot oryndaýshysy A.Ablahan 6 aı boıy boryshkerlerden alıment tólemderіn alyp, ony jeke qajettіlіgіne jumsaǵan. Ol osy zańsyz áreketі arqyly 34 balaǵa 1,2 mln teńge mólsherіnde zalal keltіrdі. Atalǵan faktі boıynsha sotqa deıіn tergeý júrgіzіlіp, ol shyǵyndy tolyq kólemde ótedі. 2024 jyldyń 5 aqpanynda taraptardyń tatýlasýyna baılanysty qylmystyq іs toqtatyldy. Al jeke sot oryndaýshysy O.Osmanov alıment retіnde túsken 1 mln teńgenі balasynyń jeke esepshotyna aýdaryp alǵan. Bul rette de sot oryndaýshysynyń shyǵyndy tolyq óteýіne jáne taraptardyń tatýlasýyna baılanysty qylmystyq іs toqtatyldy.
«Jalpy, sońǵy 2 jylda prokýratýra organdaryna jeke sot oryndaýshylarynyń іs-áreketіne qatysty 6 973 shaǵym tústі. Olardyń basym bólіgі sot aktіlerіnіń oryndalmaýyna, sot oryndaýshylarynyń áreketsіzdіgіne jáne olardyń boryshkerlerge shara qoldanbaýyna qatysty boldy», - dedі prokýratýradan.